2008

新年快樂 ^_^

     

   

     

     

聖誕快樂

                        各位 ~ 聖誕快樂

這幾天

呢幾日, 忙下呢樣又忙下果樣, 好似冇時停咁

早晚煲中藥啦, 要睇火.  整下湯水食療啦 ;企係廚房多過係廳.

又忙住著手攪other option. 暫時已有足夠資料, 如果落實再講下.

阿j已經食左10+日中藥, 可能開始藥到, 腹背痛楚少左. 胃口普通,

睡眠質數唔太好. 易醒.  幸好磅數冇咩大跌. 只係冇升.  精神心情

都唔錯 [ 呢樣5Bs功不可沒  ] 成日纏住佢,唔同佢地玩都唔得. 

加上佢又忙住享受個新電視機   不過未買機頂盒. 睇定d先lu,

我地好少睇果2個電視台, 多數睇now仔睇碟.  HD劇集又好似對我

地冇咩用咁. 諗下值唔值得投資先.

前幾日覆診, 護士通知我地可能要等耐d, 因為高級顧問醫生要見我地.

最後都係同一翻說話, 不過言詞動聽d.  我地已消化哂,冇任何不快了.

有小小好消息係佢話有須要可以提供電療. 好過上次個mo只講比止痛

藥阿j ;又話位置電唔到.  講真其實冇所謂, 呢d已經唔係我地首選了, 不

過我地當然唔會拒絕啦. 保持使用權利 

順手又寫紙照x-ray睇下d骨, 下個星期再覆診. 都好呀; 仍跟進.

FUN - Phone Conversation

朋友forward , 又幾好笑 

Case1

「 喂﹖」
「你好先生，我叫xxx，是Sxxdxy打來，先生你是否9xxx-xxxx的機主﹖」
「係，想點﹖」
「無，我想同你介紹一個最新的優惠計劃，月費加$30就可以發一百個短訊…（下刪字若干），你有  沒有興趣join﹖」
「哦，對不起，沒有。」
「為什麼呀﹖才三毛錢一個，比你現在的便宜很多呢。」
「對不起，真的不需要。」
「真的是個好優惠，能給你省錢呢，為什麼不要呀﹖」
「為什麼﹖因為我有錢。」
「……」三秒後電話掛斷。（到現在依然為一句「我有錢 」而感到興奮）

Case 2

「喂﹖」「你好先生，我叫xxx，是Sxxrtone打來，先生你是否9xxx-xxxx的機主﹖」
「唔係。」
「……」呆左3秒「咁請問你係咪長期使用9xxx-xxxx呢﹖」
「唔係。」（講大話）
「……」又呆3秒「咁好丫，唔該晒。」

Case 3

BuffetClub打來，賣咩10幾間酒店食餐membership
「你好先生，我地有BuffetClub個promotion，以后你去酒店食飯，係member，全部半價…」
「我唔出街食飯的。」
「唔係喎，如果你同朋友去食飯，用一次依個service，已經底返。」
「我沒有朋友的。」
「……」deadair左一陣「哦，咁好呀，唔該你。」

Case 4

「喂﹖」
「先生你好，我叫xxx，係abc（某推銷公司）打來，先生請問你係咪9xxx-xxxx既機主﹖」
「係。」
「我想同你介紹一個最新的優惠計劃，唔駛錢就可以享用某某優惠三個 月…（下刪數百字），你有
冇興趣參加﹖」
「哦﹖對唔住，冇。」
「唔係喎，唔駛錢喎，點解唔要﹖」
「對唔住，我真係冇需要。」
「真係唔駛錢喎，不如你試下先丫。」
「唔駛錢我就要用，你當我乞衣呀﹖」
「……」電話即時掛斷。

Case 5

「你好，我叫xxx，係XYZ（某推銷公司）打來，先生請問你係咪9xxx-xxxx既機主﹖」
「Sorry，我向大陸。」
「哦，唔好意思，咁我遲d再打過黎丫，先生你通常幾時向香港﹖」
「Sorry，我呢世都向大陸。」
「……」電話掛斷。

Case 6

「喂﹖」
「你好先生，我叫xxx，是Sxxday打來，先生你是否9xxx-xxxx的機主﹖」
「係，點﹖」
「無，我想同你介紹一個最新的優惠計劃，月費加$30就可以發一百個短訊…（下刪字若干），你有沒有興趣join﹖」
「哦，對不起，我而加唔得閒，不如你俾你手提電話號碼我，我遲d打翻俾你啦。」
「喔，對不起，我地唔可以咁做。」
「你都唔鍾意d人亂打電話俾你吧﹖」
「喔，係，喔。」
「咁你明我意思啦。」（收線）

推銷電話真係每日都接唔少 

我最怕係果D打黎講左成20秒仍然係講緊開場白....多謝選用...等等既說話

 

 

3年今月 [二]

2006-12月

阿j 第1次照MRI , 証實左膊右腿有腫瘤, 我地與癌共舞正式開始.

老爸呢年4月出院, 出院後仍有段日子出入院,10月左右我正在慢

慢回復正常生活軌跡,  誰知又多一個霹靂.

2007-12月

阿j 情況惡化, 除胰臟;骨外. 肝, 腎.... 都發現有新腫瘤

抗戰 1年, 以為有例外可乖乖受控制唔好再大唔好再壞, 

意料之外又一個霹靂.

不過與癌共舞仍未閉幕 ……  繼續比心機再共舞. 當係從頭開始過.

呀, 仲有1988年 12月好似都係我同阿j 相識既月份. 不過真係唔係好肯定lu

經過呢3年, 實實在在知道人既小宇宙力量好奇妙. 人生亦好奇妙.

艱難渡過嗎 ?   又唔係喎 !  我只會答" 唔易囉 "

傷心沉重嗎 ?   其中有十分一既日子傷心d. 其他日子仍感開心既. 都唔錯啦卦!

當傷心時 ; 喊喊喊 !!!  喊哂悶氣出來.

當開心時 ; 梗係盡情歡樂啦.

當沉重時 ; 浸個熱熱香薰浴, 出身大汗.

自我安慰時 ; 上天比我開心逍遙左30+年. 而家做多小小野都唔過太卦.

有1樣好work. 就係從來唔好問點解 問why me. 係呢d冇答案既問題裡糾纏, 只

會令你鑽入牛角尖. 

3年今月 [一]

2005-12月既今日, 係我接觸公立醫院既開始 ;

第1次打999 + 坐白車入急症室

第1次對住外人淚流滿面

第1次驚到手震心震腳震, 連電話號碼都打唔到

第1次望住老爸1句說話都講唔出

第1次係醫院通霄等老爸做手術

第1次入ICU

第1次親耳聽到DNR=DO NOT RESUSCITATE

第1次全家9口淚眼對淚眼

第1次親眼見到別人生離死別

第1次係醫院過聖誕新年,農曆新年+我生日

第1次4兄弟姊妹夾手夾腳幫老爸沖涼,換衫

第1次4兄弟姊妹夾手夾腳幫老爸換片小便

第1次4兄弟姊妹幫老爸換造口袋

第1次4兄弟姊妹 + 老媽比老豆用粗口鬧

第1次辦理至親白事 ; 戲劇性爺爺係老爸搏鬥期間過身; 設靈當日仲要醫生姑娘幫手隱瞞.

120+天, 日日同一個目的地  

120+天, 全家日日見面

我感恩因老爸可以過到呢關   

我幸福因為我全家感情非常好, 係超好

我幸運因排最細...過中好處...heheh 不能盡錄

化妝小子

今日打電話去counter, 佢地都知比漏左支base我.可以去

攞返.仲好好禮貌,不停say sorry ~ 服務態度好好. 抵讚

有個小男孩, 我一定要講下.

話說昨日同靚c行街街睇化妝品. 有新開counter,又對呢個牌子

有興趣. 停低睇下. 抬頭時係一個化"行"妝既小男孩sell我地

化"行"妝 = 睇得出既上左粉底 ; 用埋光影粉 :

                  修幼左眼眉+畫左眉 ;

                  唔知電定夾左既眼睫毛 ;

                  畫埋好粗既上眼線 ;

                  搽左有色既唇彩.  

事後, 我同靚c講. "喂,仲化得行過我地喎. 條眼線畫得粗過你喎"

而家好多化妝品counter都有男sales, 多數佢地都化nude 妝=執靚左

d皮膚, 修齊雙眉,望落好乾淨皮膚好靚. 真係第1次見到化到咁"行"

年代唔同了. 男女介線越來越模糊, 以前男人要man, 女人要嗲.

而家男子化行妝. 女子扮男人

不過呢個小朋友態度好好,談吐唔會令人討厭令人起"雞皮"

今日仲同我講因為要我行多轉. 要跳隻舞比我睇添.. 

wowowo. 乜咁豪比姨姨呀 = 我  

偷閒

唔知係心理因素定係身理因素,阿j呢2日間歇性腹痛多左,

希望食多幾日中藥可以幫到佢. 我就埋頭搵下d止痛外貼

中藥方.搵到就問中醫, 岩用就自製. 好似唔難整咁.

我地唔抗拒止痛丸,不過食得多影響大便. 解決一樣又引

發另一樣.

我又搵到2個岩阿j用既止痛穴位, 按下又係會好d 

今朝j媽一見我就含住2泡眼淚, 唯有比個微笑拍拍佢膊.盡

在不言中咯.  安慰說話留返比j妹了,我能力有限,唔想suffer

再多負面情緒.

親今日j媽j妹來相陪. 我偷閒出去同朋友行街食飯, 我既可

輕鬆下 佢地1家3口又可傾下   不過晚上都係...走唔甩,

不過係我地1家3口傾. 阿j瞓左. j媽又難免落淚 我又要做

開解者角色

 多謝哂靚c媽媽幫我買龜板 唔該哂佰有.

今日買野, 返來少左1支. 希望明天可以追回,唔會唔認數卦