唉 ! 壞機

餓多4個鐘

阿j好乖遵守照PET前要求.  24小時前要戒食澱粉質同糖分 [今次冇比呢張戒口食物表] 不

過之前係QE做有呢個要求, 我地照做以防萬一. 另外6個鍾前禁食. . 今朝5點幾起身食左早餐

就咩都冇食過,只飲清水.   

1點準時到法國=聖德肋撒做PET CT.  登記比埋錢,坐低等時. 聽到今早9點booking果位都未

做

 原因上午壞機岩岩修理好返. 9點 11點 booking都未做

跟手有護士超級好禮貌

同我地解釋. 唯有過starbucks "hea"左2個鐘回頭再坐多個幾鐘.

4點幾先打豆豆...落完

藥又要再坐個半鍾先照.  final要成7點先離開.

事後感 : 下次如果唔緊急,我仍會選用QE咯. QE環境好d. 由其落藥後等個幾鐘果段時間. QE

有舒適臥椅+音樂既單人房可以瞓住

等. 法國只有一間大房,全部人坐係

度等

阿j更慘, 只可坐係車車上等

唯一可讚賞, 護士們非常好禮貌.

幸好今日有我家姐姐夫接送夾相陪

 我倆先冇咁"吽". 親阿j照機時過左去九龍城, 發現左

間

好靚既cake shop.  款式價錢都同Antique不相佰仲都係30+蚊一件.  掃左2盒. 一盒送比家姐. 

另幾件氹阿j.  不過我唔會再專程去買, 我唔鐘意老板hard sell,一邊介紹一邊踩人抬自己quali,

但因我姨甥仔又好想試. 另事後我先知佢"excuse me"我家姐選cake時手指掂到玻璃櫃. 

哼.比我知我唔會擺低3舊幾水比呢間野

 唔係d cake唔好食, 而係個老板個品唔值.

p.s : 姨甥仔 & 姨甥女明天飛啦. 開開心心讀書呀.  x'mas 再見.

冇定案 + 好消息

冇定案 ;

今日覆診醫生都係講返MRI 報告上我理解既comment, 基本上仍未有最後定案. 

 腫瘤科原本想pass 套MRI片比骨科再商討對策. 不過我認為既然有擴散既可能性.

 唔好再徙時間了.主動提出再照PET CT好了. 待2邊同步進行,下星期覆診可一併得

到骨科意見同PET CT報告. 希望可儘速有下一步對策. 基本上只要你主動提出照PET,

醫生都會連聲叫好.  即時通知護士查期查價, 因阿j上2次都係QE做, 自然係首選.加上

QE係最平10,000 如要copy加300. 不過經驗所得,唔洗要copy. 醫院唔keep個

PET CT報告架. 不過QE而家真係要排成個月

 護士話近呢2個月好多

booking加上

成日壞機.  上2次我地只係等2日咋. 所以今次改係法國做11500.  貴左小小. 不過快.

星期五有期.  浸會同價不 過下星期先有期,冠天都快不過要13000 ;9折. 

好消息 ;

醫生check完阿j body, 其他淋巴冇腫脹, 驗血報告好好, 肝腎功能好好.  最令我安心係

同醫生傾如果真係擴散, 用藥方面問題. 我同醫生講左一大堆藥名. 佢回答除左我講果d,

仍有幾種不同配搭. 我好安心

.因知仍有

藥可轉用. 我最怕係醫生答" 冇野可以再做 ".

身邊周不時有病友聽到呢d說話, 真係好驚

 

 雖然我地一直要用自費藥. 不過始終政府藥

唔賺錢平好多. 私家唔單止藥費貴左,其他"濕星"野更加難以預算. 打仗要好小心安排糧草

未到呢步我都唔想轉私家咯.  所以今日醫生既答案令我安心好多好多. 心口輕哂 !

 

另外, 我係QE "癌症病人資源中心" 用50/月租到1架全新既車車. 好輕幾靚仔架.唔係醫院

look果款

 我想阿j用車車都型仔d丫.  多謝中心姐姐, 比我自己揀之餘,仲比我揀架全

新

未開封既車車.  中心姐姐仲比左2包peach味既Resource營養果汁阿j試下. 多謝哂

  希望

岩阿j口味, 多個選擇. 佢真係好憎飲營養奶同oral impact. 而家連橙味營養奶都唔肯飲

.

p.s   唔洗擔心,阿j唔係必須用車車.只係預備定. 當個back up好d丫.

自我修復

我地瞓左晏覺, miss左好多親朋來電.  攪到家人更緊張不停來電.

直至我接聽先可安心.   其他miss左既朋友就sms報左個平安.

真係唔好意思 ,攪到你地添

阿j 除左行動不便外, 真係唔差架. 身體狀態, 精神同胃口一如平常.

仍然3得= 食得瞓得痾得. 

雖然要明天先可final confirm咩問題. 但起碼至今阿j身體感覺都同平

常一般. 冇好左亦冇差左.  只要冇咩突轉. 基本上係好事.

我經過自我修復後,又ok返啦. 心口輕左好多.  一早起身埋頭工作之餘一

邊睇住個市. 我而家投資策略係穩當派. 只可輸粒糖唔可以輸間廠丫

咩心情 ?

今午MRI中心來電有報告攞.  我睇左. 由下午一直到而家.  心情都唔知係咩 ?

傷心 ? 失望 ? 恐懼 ? 惡劣 ? 又唔係咁. 只係個心口好重. 好想大叫...

我己同阿j講過下報告內容, 跟手加碼安慰佢咩都唔好諗啦. 星期三等

醫生final comment好了. 

我 ; 只有一個祈求. 係我英文屎, 譯錯哂誤解哂..

[ 早知約醫生明天啦. 蠢左添. 快d confirm快d有對策 ]

未來幾十個鐘只可以不斷提升我EQ

各親朋 ;  唔洗擔心啊.  我只係唔想講野咋. 係囉, 我又係度練緊"自我修復"功呀.

 

 

新挑戰

阿j回家後, 除右腿因不能伸直而行動不便外,  精神胃口仍在. 感恩.

 

同5Bs玩得不亦樂乎

  

今朝陪阿j去照左MRI, 星期三約醫生睇報告.

原因昨日超聲波報告出左,但冇足夠理據令醫生知道大腿係咩事

.跟手排期照MRI,

但最快都排到10月初,  final決定自費外出做.  初時醫院幫我地book左法國下星期一

做收費5800.  我自己又搵阿j上次做果間冠天磁力共振問下價,同埋講明係公立醫院

轉介信. [我知唔同轉介唔同價錢 ]

6折; 收3420咋! 

上次由私家醫生轉介照2個

部位要8400. 好彩手痕check下. 價錢又平左

.仲

今早即有期照. 星期二出報告. 

要非常多謝靚女醫生Dr. I.WONG

   佢不單只幫

我地同冠天fax往來申請form同

confirm booking, 仲主動配合覆診日子. 事關QE唔轉介開呢間, 手頭上冇料. 當時

已經係星期五下午3點幾,如果當時book唔到就要拖到下星期一了. 

同公立醫院交手咁耐, 知道呢d唔係佢地必須offer既.  所以真係多謝哂.

其實呢幾日同Dr I.WONG見過幾次面傾阿j隻腳問題, 佢態度已經好好. 雖然至今原因仍

未明,不過佢一直貼身跟進. 現階段可能性有2個 ; 1) 發炎 2) 癌細胞擴散 . 不過正因為阿j

現時病徵又未50% match是但一個原因 ; 如果發炎, 阿J冇發燒,又唔紅腫 : 如果擴散,

D癌又未至於24小時內腫脹至行動不便,而且ALP冇大升.  所以佢提意用MRI 而否決我提

出直接照PET SCAN.  另外骨科有提意照打抗生素當發炎來醫先. Dr WONG又好詳細同

我地解釋其中利害. 最後我地同意攪清楚係咩事先再對症下藥.  希望希望決定正確

等報告前呢幾日少不免忐忑. 唯有又自我催眠同埋催眠埋阿j. 咩都唔理.見招拆招

冇得走

昨天中午阿j以為有得走. 送外賣比佢時, 叫我拎走部份用品.

事緣前日知道超聲波要排到28號, 我提意同醫生講不如回家等好過.

醫生比2個方案, 試下插期, 冇期就出院先. 點知醫生鬼咁好人,成個下午不停

同佢打比超聲波部門, 睇下有冇d 臨時取消左既期可以比阿j插隊.  一個好彩,

咁就打左尖昨日黃昏照左. 亦因為咁, 阿j走唔甩要留院等埋報告

. 

暫時初步

排除含膿.  詳情要等報告.

我就keep住remind自己平常心. 平常心...

  [  努力努力....平常心 ]

同醫生傾過化療個schedule.

呢個星期果針要waive左佢. 等clarify左

隻腳

咩事再從新開始下一個cycle....  

如果今日阿j都走唔甩. 睇怕最快都要下個星期囉. 唔止阿j太悶想走,我都想佢

走. 係ward幾有壓力, 附近病友情況開始唔穩定. 望到佢地唔舒服我個心好難受.

阿j更加唔好受.  有時見阿j望住病友眼定定, 我相信佢有野諗

  我地係度陪佢

時就可以同佢分散注意力者. 佢一個人果時都唔知點算. 

有d事眼唔見始終冇咁touching.

3科過3關

阿j仍留院, 好彩有5bs陪我, 忙下呢d忙下過d, 時間好易過.  而且1日走3轉送

早午晚3餐. 又煲湯又煮飯更加冇咩時間亂諗野

阿j腿痛問題, 要過3關咁, 昨晚有腫瘤科醫生來睇佢 ;  話係內科. 要約內科醫生

來睇, 到今朝內科醫生來睇 ; 話係骨科. 要約骨科醫生來睇 ;

and then,

係探病時間內,有個唔知咩科醫生來睇. [ 我忘記左問佢係邊科 ] 檢查完一輪,

有定案->安排照超聲波另告之阿j血液報告未出. 我在場,即發揮每事問既性格

醫生提出可能性有 ;　1. 肌肉發炎　2. 淋巴發炎

->最worst係有含膿．因要開刀放．不過醫生覺得機會不大因含膿會更腫更硬更痛．

醫生排除有; 1.X-ray片顯示骨冇事冇裂   2. 唔係拉傷,撞傷．

等照左超聲波有結果就安排點攪．

睇怕阿j呢個星期都唔洗出院囉.  QE腫瘤大樓比較嚴,會lock大門既,病友家人非探

病時間唔可以自由出入．一出大門,即要講明出外理由．姑娘counter又係正大門口,

冇得走雞．我地家人唔係探病時間出入要襟鍾又要過5關斬6將,又唔逗留得耐.　

最閉，佢比人label 左 "小心跌倒 ''  一行開, 姑娘即哦佢, 困左佢係床我又唔可以留低

陪佢．佢又唔可以出大門口見人, 阿j咁好精神，實悶c佢．

爸爸 ; 忍多幾日啦,攪掂隻腳要緊. 聽日我試試氹下姑娘比我推你落街曬下太陽呀

爸爸 ; 唔好唔開心我要求急症室醫生比你入住腫瘤科，因為係呢度會快d有醫生跟進,

                 而且人少d病菌又少d丫,可能遲幾日調你出其他科大房咪可以自由d囉

住院了

今日下午陪同阿j入院了

沒有例外, 經急症室即安排左入院.

今日我倆一直商討打埋今星期果針先好呢 ? 定係睇左隻腳先呢 ?

等星期三打針;但隻腳痛喎. 有痛楚人就冇心情又會影響胃口精神....

睇腳先 ; 就唔可以on schedule完成療程...

final都係決定攪清楚腳痛問題先, 希望決定冇錯.

希望明天有醫生比到答案我地

希望 爸爸唔好唔開心, 唔好失眠,唔好太down....

希望 媽媽今晚都唔好失眠....