面對醫生口中阿j沒有即時危險
但要有心理準備他會每況愈下.
我可以做 ~ 只有 [ 面對 ]
縱使心裡偶爾會閃出逃避的諗頭,
但我相信我仍可陪伴一直向前行
只要生命仍在, 無論是甜是苦,定跟他好好過每一天.
笑時 ~ 跟他盡情笑
哭時 ~ 擁他盡情哭
痛楚 ~ 交給醫生解決
抗戰 ~ 交托中藥努力
心靈 ~ 就由我們撫慰
因有愛 ; 令我太傷痛
但有愛 ; 令我更勇敢
路難行 ; 但始終要行.......
2008年4月29日 星期二
2008年4月25日 星期五
成功頂硬上
阿j 昨天頂硬上入院準備電療, 今次係電手電腳.
其實本來約左上星期,不過當時阿j狀態唔好, 佢唔想入院.
前星期住左2日泌尿科大房, 攪到阿j心情身體跌至谷底..
經過2個多星期休養後, 佢調整好心情, 亦明白要解決腳痺問題.
昨午頂硬上流住眼淚坐車上醫院
.
按阿j解釋, 只要係90度坐姿, 右腳由大脾一直痲痺到腳趾頭…唔
即時瞓低既話, 會轉變為由大脾抽筋至腳趾頭.. 最難攪係呢個問
題連止痛藥甚至嗎啡都解決唔到…嚴重程度係會令阿j淚流滿面….
可想而知.. 有幾難受
原本打算直入腫瘤科電療部, 但阿j真係難以忍受過中等候時間,
轉入急症室, 因為門口有床可以即刻瞓低.. 今次我地叻啦, 咩都唔
講,只同醫生強調癌痛癌痛…要提早返醫院電療同調教止痛藥..不
過急症室醫生都要阿j照x光,睇下有冇骨折問題, 不過係瞓住等,
阿j唔會痛苦. 最後順利返腫瘤科.
而家最希望係電完可以解決痲痺抽筋
呢個問題令到阿j只可以
瞓平唔可以坐起身, 好影響佢生活質數.
因為坐唔到而不能出門呢個問題, 上星期我+各朋友出手幫助用左
唔少時間聯絡唔同機構再加埋人事幫忙希望可約非緊急運送車…
易達巴à 唔係會員 à 冇 à 加上唔可以用床上車既
復康巴à 約期長到你冇可能等 à 好似都係唔可以用床上車既
醫院本身用既接送車à 當日我自己致電醫院,不過相關電話長期冇
人接, 幸好有多人出手幫忙打友情牌, final醫
院有姑娘主動聯絡我, 約期最快都要5/6…
私人 à 我搵到1個私人接送輪椅既,因為佢架車尾改裝左升降架, 接送
價錢唔平, 不過好在即約即有. 但今次阿j唔岩用,因為佢都係
唔可以成張床運送.
另外阿j個尾龍骨凸出果舊骨表皮破了. 我一直好小心護理, 就係怕因長
期受壓而磨損轉變為褥瘡, 不過始終都失守了. 醫院教我用Duo Derm貼,
希望有幫助
我就變身阿Q
, 咩都唔諗.
2008年4月16日 星期三
過山車
我2仍在過山車上, 未能落車回氣
~早2天正處於高速下滑路線
阿j精神身體狀況跌至低點,令我不得不即時進入高度戒備
狀態, 家人全面停工陪伴, 8隻淚眼對淚眼相擁深情對話.
~ 呢2日回歸穩定路線, 慢慢平穩前行
阿j精神胃口漸有進步, 不過未敢鬆懈, 仍處於驚戒線內.
過去數天, 令我知道, [心理準備 ] 任你如何準備, 有多少時間
去準備, 都係唔足夠的,突如其來的反覆, 依舊令我措手不及,
心亂如麻. 不過借此機會令大家對往後處事態度有共同理念
+共識, 多謝j媽j妹對我既信任, 一句[你任何決定我都支持]
已好足夠了. 其實我理念好簡單, 一切以阿j意願為首. 我絕唔
會因我不捨而令阿j受無謂痛苦.
當然我2仍保持信念, 只要人在, 仍盡力,昨天我見了一個新中
醫, 希望有新火花.
好多謝cc呀, 比姑娘cup幾次線都幫我極力爭取約期, cc我真係
唔知點多謝你^^ 每次有事,你都2脇插刀..
多謝糖果窩心問候, 真架, 我仍ok
.
家姐, 唔洗擔心
我冇死撐架,你知我1想哭訴就實搵你地架
啦.唔掂我唔會死頂唔出聲架.
不過大佬就c dd, 講完現況,佢即時dead air
2008年4月11日 星期五
阿j回家了
阿j係7號出院回家至8號有10多個鐘, 小小同大大都感困難, 量亦好少,
至黃昏出現腳腫腹脹現象. 即時去急症室求診,醫生拒絕我要
求去腫瘤科而被安排入住泌尿科.檢查後,確定排尿出現問題. 話係屁股
電療既副作用. 因為暫時唔主張長插尿喉,教左我2自行做.
而家阿j自已每日數次插喉放尿. 不過插尿喉過程比想像中容易, 痛楚
亦比想像中少.
阿j回家後心情仍低落, 有落淚, 要比多d時間佢適應身體轉變. 之前每次
有轉變, 佢都要用時間去適應, 今次我相信都係. 我明白佢心情, 眼見自己
身軀不斷衰退, 活動能力日漸下降.受不了
不過相比起住院果2日2夜好得多了. 果2日佢要插尿喉,又順手放埋大大要
用片片, 阿j又未試過用片片喎, 環境陌生冇安全感. 醫生唔熟悉佢病況, 成日
耍睇返阿j record. 一時咁講, 一時又咁講, 唔同醫生又唔同講法, 但又唔肯寫
隻字轉返去住腫瘤科. 可幸係姑娘們好nice 同埋我可以長時間相陪. 不過我仍
有好多發火事件.
前日我心最難過
, 晨早去到醫院時阿j已因其中一個醫生既說話令佢哭泣
中
, 我第1次幫佢換片片時, 佢又即時落淚, 最難過係眼見阿j的空洞眼神,
當日陪他的十多個鐘內,我時刻都有哭的衝動, 阿j的一言一語一個表情都觸
動我心. 死忍難忍回家大哭發洩… 發洩哂d悶氣… 發洩哂d不安… 發洩
哂d害怕…路仍要前行.
因為受不了都要接受, 好多野我地冇得揀, 冇得揀病唔病, 亦冇得揀點樣病,
更加冇得揀幾時死. 既然冇得揀就咩都唔好諗, 只要人仍在, 就要盡力開心享
受每一天…只要有解決方法就唔係問題, 唔好怨天由人, 唔好自憐.. 呢d係我一
直以來既信念. 我亦不斷灌輸呢個信念比阿j.
2008年4月9日 星期三
2008年4月6日 星期日
我做埋阿嬸?
經常係醫院遊, 咩人都有 ; 趣事何其多......
基本上我EQ已練至爐火純青.. 前幾日我連清潔阿嬸都做埋
話說早幾日同阿j洗白白, 阿j冇能力企入玻璃門內, 唯有坐係
門外, 關上木門沖, 我見呢part都有去水位, 諗住就算整濕個地都
係有限, 又搵d布圍左個門口擋下d水添, 當時心已打算同阿j沖
完即刻會拖地, 事關廁所最多係病人用, 冼倒人真係大件事.
誰不知....個去水完全唔掂, 洗左個頭己濕了大半間廁所
我已心知不妙. 雖然當時唔係探病時間, 不過真係好驚有人要用
廁所. 唯有加快手腳快d同阿j沖完快d著返衫,拿拿林拖返乾個地下...
點知.....清潔阿叔剛好到來... 即時連聲不滿加責罵.
我解釋+同佢講. "唔好意思,我一陣會拖返乾個地了..."
佢仍一輪咀, 比佢鬧到我都火火地...不過當時我忙住攪阿j,費事同
佢嘈. 最後係...阿叔擺低地拖+清潔車, 高聲叫我自己攪掂個地, 仲
係廁所門口掛左個 [清潔中,不便使用] 既牌
仲要企係對面茶
水間一邊睇實我, 口中仍念念有詞....
我火佢d態度架 不過又確係我整濕左個地. 照拖 ! 仲好認真咁
拖添 ! 我只怕會冼親其他人. 同阿叔無關
不過阿叔唔好彩了..
我拖左一陣,有個阿sir行過,見到我赤腳在
廁所拖地中, 即時入來了解.... 阿叔就寸寸貢咁話係我整到成地
濕哂...... 我好衰呀. 喵到阿叔咁得戚...即時用一幅充滿歉意既
樣子聲線邊拖邊同阿sir講 [ 唔緊要啦, 我整濕左個地 我自己拖返
好了,唔好麻煩你同事了我唔知個去水會咁既,攪到咁濕...阻住
人添...真係唔好意思........]
阿sir最後拎走我手中地拖,仲話唔關我地事,係個去水設計有問題..
一邊向阿叔訓話 [ ....你點可以比家人自己做架.......... ]
阿sir眼中係我委屈拖地 ; 而阿叔就惡言相向+就手旁觀...結局係意料之內...
阿叔 ; 死死氣自己拖地囉
我呢 ; 拍下個patpat同阿j走了
其實要我拖地係好小事, 不過阿叔d態度真係有點兒那個, 咁岩有位入,
忍唔住耍點小手段玩下. 如果佢唔係咁惡死又寸寸貢, 我真係會同佢一
齊拖返乾個地下呢.. 2個人做一定會快手d丫.
係醫院, 只要你有禮貌又唔係trouble maker, 醫護一般都會對你寬鬆d
因為我要偷渡, 所以我要好識做人
底線係唔可以兇我阿j.其他乜野我都可以容忍.
2008年4月4日 星期五
醫院遊
阿j仍然留院中. 一切安好, 只係悶dd 
呢幾日天氣唔太好, 唔方便帶阿j出露天地方, 幸好又
幾好彩, 日日都偷渡成功
陪足全日至730阿姐趕人.
不過我好識做架 比個理由入左房就唔出大門了.
又唔會周圍行, 閃係床邊, 企得有咁埋得咁埋
希望明天仍有咁好運 -> 偷渡成功
阿j已成功開始電patpat, 暫時未見有任何副作用出現
阿j留係醫院, 不停做檢驗, 驗血, 驗便便, X光.......
唔夠血 - > 輸左2包
唔夠鐵 - > 食補鐵丸
4肢 ; 差了. 醫院offer固骨手術 -> 不過阿j唔想入手術室
阿j明言好怕....好怕有入冇出....[傻瓜], 以佢目前狀況,
我睇唔到係差到咁, 醫生都話阿j身體機能冇問題可以支
撐呢個手術,我尊重阿j決定, 沒有相勸,唔做就唔做啦
我地真係唔貪心, 保持現狀就好了
入院至今己眼見3個病人走左, 聽到他家人嚎哭聲,好心酸
阿j話聽到都心up, 幸好當時我在場, 即時搵d野攪下... 去下
廁所 ; 洗個白白... 分散哂d注意力.
昨日開始同房對面床的伯伯亦差了 早幾日前仍好精神既....
呢個係我唔鐘意阿j住院既原因, 睇到心驚, 我唔係自己呃自己,
前路已經好明白. 不過經常眼見,個心仍唔舒服. 加上最驚阿j胡
思亂想, 始終佢住院獨處時間多......