轉變

阿 J 病左之後, 我

1. 冇再個個星期去做facial. 個course過左期仍有4次未做.

 半年來只係屋企附近偷時間

     做左2次同平時自己係屋企攪下.

2. 冇再個個星期去按摩. 只係果2次做facial時順手做埋but no good.

3. 冇再成日去shopping, 冇未換季就買定全季衣服鞋襪. 都好既,起碼唔會再換季執衫時先

     發現好多仍未剪牌.

 我係果隻一冇新衫新鞋就覺得冇衫著既人. 而家冇咩時間行街變相

     買少左好多. [ 我係衫痴 ]

4. 見到今季d it bags, 忍忍忍手 even半價.

5. 今季冇狂買高跟鞋, 因為用唔著. 只係小小地入左一對 & ballet shoes 平底岩哂 [ 我更係鞋痴 ]

6. 冇再3個星期去一次salon整頭加修甲, 半年只電過2次仲同stylist講要d curly長左都唔

     肉酸既. 而家留留下我又心思思想留長頭髮

.

7. 冇亂咁買化妝品護膚品,只係有須要先買.

8. 冇一得閒就行jusco 10蚊店,唔知點解次次都執成幾舊水唔等洗野.

9. 冇個個星期去花墟買花插. 因為阿J陪唔到我,自己去買冇意思.

10. 冇去過唱K.

11. 冇同朋友係coffee shop, bar 傾到打烊.

12. 冇出外旅行.

13. 冇全職工作.

而家諗起既13轉變.  好大嗎 ? 又唔覺呀.

 

a. 一有機會仍shopping,一定買衫比阿J. [我要佢做個型仔病人]

b.  仍然扮靚靚keep fit. [ 病人同身邊人更加唔好烏where ,個人醒神企理d,心情都好d ]

c. 睇多左股市. [ 搵下d婆仔錢 ]

d. 睇多左now仔,抵左. [不過d台一日裡面不停翻炒]

e. 對住架PC比係公司仲多左.

f. 家居清潔多左,對手鞋左.

g. 電話講多左.

h. 同阿J對足24x7

3bs 開哂眼仔啦

3bs呢幾日慢慢開眼仔. 因為岩岩開，唔用得閃光燈影相.只可有日光時影下.

佢地真係大左好多. 10幾日者, 重左3倍.叫聲又大, 成日撐手撐腳.真係好cute

佢地勁呀.氹到我家姐差唔多日日上來睇佢地， 做埋佢地part time菲傭都在所不惜

大b

2b

4b

覺豬

第二次療程最後一針

第二次療程最後一針

阿J今日打埋last呢針. 之後安排放假2個星期另下星期照Pet CT.

6月中再覆診睇埋Pet CT報告對比癌細胞對化療藥反應而再決定下一步安排.

今個星期一篤手指驗血, 指數好靚.

白血球    6.x  

紅血球    12.xx       

血小板    2xx  

Weight     57 kgs

今次只可得到大概數字. 因為個覆診醫生係咁答我

. 上次覆診醫生都肯比我自

己抄底. 今次呢個第一次見既醫生只願意講大概指數

. 我而家好掛住裙腳醫生

.

希望下次可以見到佢.

不過平心而論除左驗血報告呢part之外. 個個醫生都係易溝通的. 解釋都好清楚.

另一開心事.阿J白血球由上星期4.5 升至6.x  好好 !. 我相信同車厘子&西瓜汁有關.

因為基本湯水冇變過. 呢幾個星期只係食多左呢兩樣食物.

車厘子我就知係補血.由上兩個月已經周圍搵.不過唔知點解今年冇 even sogo

都冇. 呢個月一見市面有即刻要阿J 日日食.

西瓜汁呢,因為天氣太熱.見d西瓜好靚. 日日都抬個返來打沙冰. 我會畢哂d肉

出來. 一半雪至冰, 一半雪凍. 打汁時就一樣一半. 打完就係一杯美味西瓜沙冰.

Yummy

.  最重要係阿J好鐘意飲.

p.s而家我明白點解成日見到太太們去超市抬西瓜啦. 因為我係街市買係50-60蚊

一個.而我係超市買只係30幾蚊一個. 幸好阿J而家又有氣有力行多兩條街去超市

日日抬個都冇問題

來緊放果2個星期假, 阿J 已經諗左好多佢想食既野

. 睇見佢好期待既樣都開

心. 希望everything under control. 到時同佢周圍食. 滿足哂佢. 而且基於經驗

阿J放假會肥返好多. and then每打一針會跌反半磅左右. 我要係呢段時間谷肥佢.

 

 

大少bibi

大少bibi

近日比較concentrate 係d 細bb到. 同大少bibi影少左好多相.

前幾日見阿大少好如常好攪鬼咁坐係梳化嘆

. 即刻連環快拍左落來.

自從有左d細bb後. 阿大少bibi都好似大個仔左. 佢周不時就

坐係bb個籠出面或者房門口望實佢地. 不過bibi又唔會行入個

籠架喎.  唔知大少知唔知果d係佢既bb 呢 ?

彩虹橋

 彩虹橋

  3b 5-23下午走了…

.

4Bs 5-23

4Bs 5-23

呢幾日我幾累. 除左照顧阿J . 阿3b亦令我非常掛心. 3b仍未有好轉. 身體好弱.

體重仍未上升. 反而比出生時更加輕左. 要多謝家姐連續7日上來幫手照顧

阿3b.連佢星期六日假期都比埋我. 有家姐係度我就偷時間瞓下

.

阿大 – 180g          長得最快, 又最多動作.

阿二 – 155g          最巴辣. 一摸即叫

阿三 – 80g            令我最擔心.希望佢仍努力.

阿四 – 165g         最多表情. 瞓著左可以任舞都唔醒

大b 

2b 

1b & 2 b

3b 

4b

 

化療3寶

化療3寶

1.        Fleece Blanket – 又簿又輕又暖. 方便攜帶.比帶褸方便

         化療房好凍. 而且佢地吊藥時會更凍.  好多病友都要問護士攞 3/4張白床單保溫.

          八卦一則 : 曾經見個嬸嬸著件簿T等打針

                              護士多次提點 ;呢度好凍.叫家人比多件衫你啦... 呢度仲凍過冷氣巴士好多架....

                               阿嬸仍答; 我唔怕凍架.我係巴士都出汗…

          到我再入去時, 佢用左3張白床單包住全身仍然叫凍..

 

2.        暖包 - 手握一個, 再係打針隻手貼多幾個.

         因阿J 講過佢feel到d化療好似冰水咁扯上手臂再過胸口. 第1次冇用暖包佢凍到打冷震.

         我見過有病友帶暖水袋.都係好方法.不過個人認為太浪費醫院d蒸餾水了.

 

3.        消毒紙巾,洗手液 – 小心d好.

 

 

第2次化療第2針 5/22

第2次化療第2針 5/22

阿J 昨日如常篤手指驗血. Thanks god. 仍然合格.

不過白血球就回落至4.5 啦.

前個星期放假唔洗打針. 可以上升去6.5. 點知打左一針即時回落,雖然仍合格不過

我都係有d唔開心. 而家確實知道化療針破壞力強大. 要再係d湯水加把勁先. 比我

試過上到6.5. 幾大都要努力谷反佢上去

.血小板又創新高,不過醫生話佢地高好過低.

今次見唔到裙腳醫生

,  呢個醫生唔主動比阿J張驗血報告我呀. 只比我抄咋. 咁鬼多

點抄喎

.唯有影低佢地. 返屋企估反d 數字出來.

仲有唔怪得每次買化療藥都要藥房confirm價錢,原來真係會加價喎

打針日就唔luck囉, 果款舒服d有腳墊既矮皮櫈全部留座比其他病人. 只安排張櫈背好直

既高櫈比阿J坐. 應該唔係好舒服囉.  我詢問. 不過冇為意護士講咩咩情況下比人留坐. 因

為同一時間有數個好熱心護士7咀8舌

熱心解釋令我好鬼煩躁

, 不過我仍保持微笑

點頭.  突然有句說話直入我耳 "個個打4/5個鐘都係咁坐架啦"  即時火都黎埋

. 出聲

制止"得得得..."做埋手勢 dup 停哂佢地.

第一, 我超憎d人講野句尾 ….. 架啦 ; 註:最尾個啦字係特別高音同拖長

第二, 我只係問仲有冇矮皮櫈可以坐, 冇問點解我地唔坐得亦冇問點解其他人可以留位.

佢地咁安排得梗有理由問黎做咩喎.

我知我當時塊面好黑語氣好寸.  不過當時真係忍唔住

.

幫阿J 蓋好被同擺好暖包位置再陪左佢一陣就趕返屋企睇住阿3b. 阿3b程況仍唔好.佢

令我好擔心啊. 差唔多時候就返醫院接反阿J.

今日又要多謝家姐係cwb買左個漢堡包過黎比阿j 食

. 嘩嘩 望落好juice. 同雜誌介紹

一樣,個包成塊面咁高. 2塊成吋厚既漢堡牛肉+cheese+bacon+大量蔬菜. 阿j一口咬唔哂.

睇見佢食得好yummy 好滿足個樣…. 引死我地.不過我同家姐都唔食得牛架.   

曾是我至愛既牛肉.經常引誘我呢... 不過我唔會破界既.

我唔食因為老豆病時許諾

我家姐唔食因為阿j 病時許諾

, 嘿嘿.佢就無辜d.