絕不再求診既醫院- 案件二

絕不再求診既醫院- 案件二

今次主角係阿J. 話說上年8,9 開始膊痛. 人人都定佢為肩周炎. 有人叫我地去呢間鬧市中既醫院,

佢骨科出名幾好. 我地又試下啦. 先去睇門診. 見醫生, 阿醫生叫阿J跟佢做左一連串動作. 又問佢

職業. and then又好肯定咁講 " 係肩周炎, 食下藥.做下物理治療. 要多d時間先可復原. 而家好多

後生都有啦.唔係再係50+歲以上先有. 係生活習慣病係職業病......"  佢語氣好肯定.又好權威.

當時我咩都唔識. 梗信佢啦. 咁岩覆診又係同一個醫生,  放哂心咁當係肩周炎醫, 從來未想像過係阿癌到訪.

雖然呢個醫生唔係第一個判係肩周炎. 而且我唔知如果find out早d係唔係好d.

不過新仇舊狠一定入埋佢數. 最衰係我住呢區白車係入呢間既. 我已經出哂英雄貼比住我附近

既朋友. incase 阿J有咩唔妥. 過來幫我抬都抬佢返QE.

致 醫生, 你地專業呀.不過唔該睇病症時可唔可以講多D唔同可理性. 你講左等病人自己決定再做

               唔做多D檢查者. 你地d肯定同權威既說話, 唉, 我信錯哂.

註 : 肩周炎又名冷凍肩.一般係中年人案例多. 所以叫又叫五十肩.