阿j 走唔甩

今日係打針後第2晚, 阿j 又走唔甩. 比人圍剿

晚飯後冇耐就比人圍lu [ 開始周身酸痛 ].

我唯有氹佢上床瞓

[ 乖乖快d瞓,瞓左唔覺架啦 ] 希望得啦

 d人快快走唔好再圍我阿j

.

希望快d過埋聽晚....

今日我開心

可以同朋友hea下傾下笑下

之後走去花墟買返d新植物換左舊果d. 我鐘意水種,唔該哂老闆幫我洗哂d泥!

 順手買左2大扎小茉莉花擺廳,希望有dd香味

.

我買20/2扎... 行前多間就15/2扎.... 又蠢左

 返來又比阿大帝笑!

[ 就係你個大帝成日叫我蠢蠢

, 攪到我真係蠢哂 ]

見到一盤盤d兔耳花又平又靚, 不過我唔可以擺

我d喵喵會咬.而且有d品種

對佢地有毒,要好小心選擇 = 冇乜得揀

第3個療程 - 第三針

阿j今早打第9針, 因為上星期接受醫生提意,今針冇先驗血.唔知佢

血報告,我有小小擔心. 幸好check血壓時pass.

感謝

一切如常,吊針過程順利. 上磅有134lbs冇咩升跌.

希望副作用唔好大左. 我唔貪心架好似往常咁就好好lor

不過今次吊藥到後期, 阿j 打針果隻手又由手指至手臂變左一隻冰鮮手. 佢

感覺係冰水由豆豆扯上,凍到入心. 

我摸佢手時都嚇左一跳, 

嘩 !乜咁冰呀 ! 好彩有化療2寶.都叫頂得住下.

呢個情況唔係次次出現,下次記得要問下醫生先.

第3個療程完成啦. 阿j下星期又有假放. 按計劃一於盡情吃喝玩樂. 盡量係

呢10+日再谷肥佢. 再準備第4個療程

唔經唔覺已打左9針, 3個月啦. 同阿j傾談間, 佢話係有陣化療藥味跟身,汗啦口

水啦even係衣服,被舖,布sofa...

  

佢之前冇講過,嚇得我拿淋拆左個sofa套去乾洗.

sofa就易d, 去買多幾張大布當cover. 可當換look又易日日換. 再唔係索性換張皮sofa.

口水同汗都唔難, 沖涼同食糖都work既.

但衣服被舖已日日換, 日日用消毒藥水抹屋抹地清潔.  而家唔可以用香精油又唔可以點香

薰, 仲可以點呢?要諗諗計先

雖然有人話係佢地心理作用,個腦記住左陣化療藥味.又雖然我真係嗅唔到, 不過我都想搵方法攪攪佢.

每次係醫院化療中心時已好努力去索下化療味,不過到而家都索唔到. 如果比我知道咩

味我會易handle d.  [ 化療藥究竟你係咩味黎 ? ]

3bs - 38日

3bs 已經有38日大lu.  已經係3隻小貓. 唔再係貓b了.

除左仍飲mm奶之外, 已經開始每晚開喵b奶粉+浸淋喵b糧.

教左1日左右, 仲已經識得自己走入佢地個私家廁所去大大同vv tim

.

而且仲已經突破圍欄防線,爬出欄. 為確保安全夜晚我就會係圍欄加蓋.

日頭3bs成日爬出來,衝出廳四圍跑. 每次mm一見佢地走出黎,第一時間

就衝埋去夾佢地, 3bs一見mm就3隻分頭走. 好攪笑

 

3bs 努力學習呀, 只要sure你地識得去廁所, 就可以解除部份防線架啦.

大b - 點解大b咁坐定定?影完就知lor, 佢正在vv中. 係...布sofa !!

          大b除左毛色深d之外, 同mm細個一模一樣

2b - 樣子唔似bibi又唔似mm. 係2個混合體卦

4b - 除左毛色唔同,無論樣子性格都同bibi細個一模一樣

而家已經好難同佢地影相 出到連環快拍都唔掂.

bibi 冇心機

bibi真係嬲左我

.  係診所接佢時,見佢眼仔濕濕.心痛死我呀,

一路同佢講野, 佢冇望過我. 返到屋企,佢即時入房唔唔啋我,

爸爸叫佢,佢望 ; 我家姐叫佢,佢都望 ;  我叫佢好多聲, 佢先望我一眼咋

我埋去摸佢, 佢避我呀

  聽日開始仲要餵佢食足7日藥tim.

實嬲多幾錢重啦

見佢冇哂心機, 帶左個頸套, 行動時同圍撞. 瞓又瞓得唔舒服, 食野又唔方便,

又成日想fing甩個套. 個咕咕紅卜卜仲有小小血跡, 心痛死我啦

爸爸 ; 你好衰架. 你唔想個仔嬲你唔肯帶佢去診所, 而家bibi嬲我唔嬲你啦.

bibi ; 你唔好嬲媽媽啦.

第3個療程 - 第二針

阿j今日打第3個療程既第2針 [ 第8針 ]

都係吊2個半鐘, 一切如常 ; 順利

希望今次襲擊佢既人數少d [ 副作用-周身酸軟 ] 起碼都唔好黎多幾個

 

趣事 : 廳部冷氣好有性格. 換左套新窗簾後成日跳fuse.

           索性拉開哂, 佢又冇事 !! 唔通, 佢唔鐘意呢個花款布 ?

痛苦決定

今日做左個一直都唔想做既決定

打左去vet book左明天同阿仔bibi 做desex手術.

其實由上星期有咁決定時已致電去vet到傾下過程.由當日講完電話開始,

已覺阿仔好似知有事發生咁.

呢幾日來都悶悶不樂成日楚楚可憐咁望住我

同爸爸. 又少玩左. 我已經同爸爸講死啦, 阿仔真係好似知道咁,佢嬲我地呀!

雖然我心知bibi冇可能真係知,但係佢d行為又確實令我覺得佢係唔開心架.

不過唯有當我倆太愛鍚阿仔而多心.  誰不知, 呢幾日個個親朋上來都問bibi

做咩事咁唔開心既

..... 唔通bibi真係知道 ???

 我驚個仔會真係嬲左我

 零晨後我唔可以再比野bibi食啦,好鬼心痛

 諗起聽日bibi要痛痛. 又心痛又擔心

bibi ; 爸爸媽媽都唔想架. 你唔好嬲我地呀.

希望聽日bibi手術一切順利