1年

阿j離去1年

我新生活亦己1年了

這一年當中的點滴很模糊

忘了當中大部份了

只覺得日子過得很快

但事情又彷似昨天發生

 

只記得。。。

不知多少個晚上是淚水伴我入睡

曾經抱住阿j的衣服哭過不停,心痛至極

曾經大串大串的淚, 大到滴出來有聲的

曾經瞓醒冇哂目標, 無所事事唔知做咩好

曾經嚴重失憶, 全無記性好似電腦唔夠ram咁

曾經通宵不停看相片影片, 彷似看見生命仍在

曾經瘋狂購物, 而家見到都唔記得幾時係邊度買

曾經每朝起來都摺金金船仔, 只想他在新地方做富豪

曾經每隔幾日就去紙扎舖入貨, 入到老闆講可以送貨

 

1年後的今天

年前今日的情境仍歷歷在目

他的笑臉,他的聲音仍在腦海中....

但生活模式算是正常了,

心是靜了, 只是偶爾觸動令我心酸

仍是每月去見面,而且更努力谷他做富豪

不過很奇妙, 我幾次跟阿j在夢中相見後, 醒來收音機都是播同一首歌

家姐話理性角度是首歌影響我腦電波

感性角度是阿j跟我溝通的橋樑

~ 其實管他的. 我享受跟他夢中約會

 

人是沒了, 我沒有他日相見的概念,

沒了~ 就是沒了 

在不同空間各自開心過生活好了.

人可控制的事不多, 但起碼自己是可以選擇如何過日子的 ~

太傷痛的記憶,我會選擇性忘記

只會牢牢記住過去甜蜜的點滴。。。

曾經有這麼一個令我心醉的人在我生命中出現, 是幸運的. 是刻骨銘心的。

 

衫衫

3個囡平安過度左7日, 食完抗生素療程.

唔洗再迫佢地食藥咯 ~

每日2次要食藥,佢地真係好唔鐘意.

一聽見我開藥袋即時四散 好攪笑

3個囡第1,2日最唔開心, 好大部份原因係個->頭套

行動唔方便, 跳唔起, 唔好講窗台, 連床呀梳化都跳唔到

阻住佢地食野,  連步行時都周圍撞 ..... 

第2日即時去買衫仔, 不過唔係咁岩用.  遮唔哂個傷口既.

唯有出手自家製 -> 好fit身 成件泳衣仔遮哂個肚肚傷口 ~ very good

睇睇22  順手加埋花邊裝飾下~ 靚d冇咁dry 呵呵

可以瞓到咁樣, 段估都好舒服啦卦

3個囡除左頭套著衫衫後, 明顯活動自如左好多, 開心左好多

只係因為有2條帶套住佢地2條腿,步行時都係就住就住咁, 不過已

經好過帶頭套好多, 起碼冇左一對憂鬱的眼神

而且阿bibi 同大大見佢地冇左個頭套, 就冇再fee...佢地咯 ~ good

 

囡囡~乖乖忍埋呢個星期, 下星期拆埋線 就自由啦

悶悶不樂

我可能真係太博了,1次過帶哂3個囡囡去做絕育

原意係等佢3個係診所有個伴, 唔會太驚.

3個囡返來1日1夜多了, 心情仍未好返

唔多郁 ~ 帶左頭套行動唔方便

唔多食 ~ 唔主動食野, 餵到埋口先會食

唔開心 ~ 憂鬱的眼神話比我知

妹妹 ~ 自己覺豬,唔多活動

22 ~ 超嗲, 成日要坐我大脾抱住

44 ~ 又係自己覺豬, 唔多活動

大大 ~ 超攪笑, 都唔知關佢咩事, 跟埋3個囡,唔多食唔玩,一副憂鬱樣

BiBi ~ 變身惡仔, 3個囡係佢視線範圍就fee... 一副唔耐煩忟憎樣

我就唯有個個都要安撫要氹.....

而家係3個做手術, 5個情緒病, 1個冇得瞓

擔心中

今早帶左阿女~妹妹同孫女~22 + 44 去做絕育

要今晚先可以接佢3個返來.

而家好囉囉攣 ~真係好擔心

妹妹每年都去打針針 ~ 相對出門冇咁驚

22同44 未出過門, 一出門口成身震哂,見到都心痛

去到診所驚到縮埋一角 唔采我添. 心痛c我啦

今次都係剩機絕育要麻醉,順便洗牙仔同打預防針針

希望順利平安傷口仔快d好返

我知個個都話係小手術, 不過我真係驚架,

有咩萬一,我真係原諒唔到自己

 

Update  6:40收到電話可以去接3個b咯 ~ 安心哂

                  呵呵 ~ 去接B了.......