回憶

看了網友一篇網誌, 勾起了我所有回憶

影像如倒帶般在腦海中重現

阿j跟我講過同樣的說話

眼淚一串串落下 ~

望著我2合照模糊了 ~

憶起思思點滴心痛了 ~

傷感中 ~ ~

 

爸爸, 你好嗎 ?

我很好, 只是....沒有你在身邊時那麼好.

很想你, 仍然很想你.....

想你的聲音...

想你的身影....

想你...想你的一切.....

 

別擔心 ~ 讓我放肆的發洩...

一陣子就行了

 

大工程

秋意開始濃 ~

前日做入冬前準備 “ 為5Bs 洗白白 “

我習慣一次過洗哂5個B , 終於由3點攪到零晨

同5Bs洗白白唔難, 佢地好習慣, 唔洗肉搏

沖洗只係需時10數分鐘. 不過吹毛就要個多鐘了

我家5Bs唔鐘意用風筒. 佢地怕果把聲

變相我就對住2部暖風機成8個幾鐘

攪掂哂佢地之後, 自己都變身 “周身叔”

大仔BiBi ~ 幾有大將之風  

坐定定任我單手沖水,另一手同佢影出浴照

 囡囡妹妹 ~ 媽媽風範  又係坐定定比我洗白白

44 ~ 3Bs入面最唔怕水 仲眼仔look look任我影相添  

        佢鐘意玩水, 平時我沖涼佢都鐘意坐係浴缸邊陪我

大大同22 就影唔到咯, 佢地都唔掙扎不過就鐘意抓實缸邊拉直個身沖水.

洗完白白, 梗係要影返靚相啦

~ wowowo..白雪雪BiBi ~  同學哂BiBi 坐姿既44  呢2父女 ~ 唉    

~ 吹完毛毛即時要攤下hea下既 妹妹 ~ 大大 ~ 22

東北餃子

我好鍾意食東北餃子, 細細隻, 扁扁的 ~ 1 啖1隻.

每次上大陸公幹,去到邊都搵黎食

近d廣州黑天鵝餃子店好味, 再近d深圳老北方餃子王更好味,

好味到我地會外賣幾斤返香港. 而家諗起都流哂口水.

佢地係每斤計架. 唔係每碟計架

奈何香港真係搵唔到

幸好有朋友係北方人, 教我自家製

前日太掛住太想食了, 唯有出手整

包餃子唔難, 最麻煩係搓皮 ~ 真係手到軟埋 – 由膊攰到落手腕

攪到我又心思思想買部搓粉機添

最慘係呢d餃子皮冇現成買, 試過買到近似的.不過口感梗係唔同

搓搓搓 又 轆轆轆, 我當然唔識用手壓圓形皮 唯有用模咯

 

點埋鎮江醋加蒜泥 ~ yummy yummy

雖然味道同舖頭爭好遠, 不過都可以一解思念之苦 呵呵

以前我地好癲,

一諗起想食餃子就同阿j即時搭車上深圳 ,

一諗起葡京曲奇就搭船過去買.  

手痕時就2條友係屋企自家製, 阿j負責搓粉整皮, 我只係負責包咋

最記得第1次整, 食譜說明要用滾水搓皮, 阿j未等凍dd就落手搓粉....

隻手熱到紅哂, 熟咁滯  比我笑足幾日....

~ 唔識用筷子攪住先架咩 ~ 蠢蠢

 

爸爸 , 我叻呀 今次我一個人攪掂哂 ~ 不過搓粉真係好攰o架喎

而家冇你陪我癲, 唔會即講即去了, 不過唔洗擔心呀

曲奇有朋友買比我食, 餃子都有朋友頂硬上陪我整仲包底食哂添

雖然味道確係冇你陪我時咁好味, 不過我仍鐘意食o架