2個月了
日子就是如此過去了.
時間沒有為任何事任何人而停留.
日子難過嗎 ? 不算吧 !
淡淡的…
偶有觸動.
仍有笑容.
2008年7月31日 星期四
2008年7月27日 星期日
觸動
夜半心血來潮, 執拾衫房衣服,
將阿j 的上衣由層架上卸下後.
看著看著空空的層架. 心中不是味兒.
看著抱著阿j衣服, 睹物思人了…….
思念聲音, 思念氣味… 思念所有……
Bibi 一直坐在阿j衣服上面, 是否bibi也思念著.
最後將所有衣服從新摺好放回層架,
看見滿滿的層架心內平復少許.
既然未能清理, 就不強迫自己了.
隨心吧.... 總有1日可以的.
j妹的夢令我掛心, 夢中的你樣子很寂寞.
爸爸你寂寞嗎 ? 如我般寂寞嗎 ?
是正常的. 你要時間適應, 慢慢來…..我都係
出面行雷了, 大雨將來臨了
2008年7月25日 星期五
法甲
出面實在太熱了. 在家無無聊聊玩下手指腳趾
油..洗.... 再油再洗....又再油又再洗
終於成功油左以前一定要出去修甲先有既
...... 法甲 franch nail 
左右手 + 腳 都好鬼工整, 絕對見得人
不枉我死心不熄油左N次.
好開心..呵呵
好滿意..呵呵
有條友笑我無聊得滯
不過我開心喎 ~ 吹咩
2008年7月24日 星期四
特別任務
我家5Bs 特別任務
Specially for U...
Cheers..
BiBi say Hi Hi
妹妹又say Hi Hi 
大大怕怕羞羞say Hello
實情係佢好避鏡頭,好難影正面.....
22 最叻擺哂post say Hi Hi
你最愛既44..... wowow... 靚女 嗲嗲聲 Hello
3Bs 日日就係咁既 hea look.....
2008年7月18日 星期五
美夢
今日係阿j 走了第49日了, 亦是傳統上的尾7
昨晚夢見你了. 很實在, 連5Bs都在夢中
在夢中我是知道你會離開的. 我2很珍惜共處時間.
不停說話
不停互望
相擁看海
不停熱吻
不停合照
全個夢境中, 全無傷感淚水. 只有笑容
最後我在我2合照中醒來, 耳邊剛好傳來收音機的一首歌.....
歌曲是.. ..如果我有事...
[ 怎捨得失去力量照顧你 隨時行開了 連再會亦無期
然而我信愛 叫你我來日往生都緊記 無論世外人間天與地
在某一天又再一起 如我若有事你會很寂寞
你獨個行樂怎可快樂 你沒我的運氣能先走
畢竟 能早登天國 但我若有事你要孤獨做人就重頭再學
學習到天邊海角 一人拚搏 你這主角 沒有配角.............. ]
時間是6:33分, 我倘在床上靜靜細細細味夢中一切, 當時感覺是甜美的.
但打這篇blog途中, 我落淚了
爸爸, 是否如傳統所說49日後你真真正正的離去而來跟我道別 ?
爸爸, 別掛心我, 我只要你無牽無掛,逍遙自在地過富豪生活
哼!仲有..唔好再"潤"我 [ 你沒我的運氣能先走 ] 
知你幸福啦
今日下午我又去探你了. 到時再話我知丫. 上次探你的時候, 我為你順手幫
j媽買定新居呀, 係隔幾個位的. 近的不過又唔係黐住. 嘿嘿 我知你性格馬.
2008年7月16日 星期三
一個人
浴室只有一支牙刷, 形單影隻的
一個人用哂一支牙膏
一個人用哂一支洗頭水
一個人用哂一支沖涼液
一個人用哂一卷廁紙
由懂性以來從未試過單身, 更未試過一個人生活. 更小既事對我黎講都係新體驗.
~ 第一次一個人坐係餐廳食早餐, 我從來未試過自己一人坐係餐廳食野. 又係新
嘗試來. 不過其他時段就未試過. 反正以前都唔會. 而家更加唔會去嘗試.
~ 寂寞感覺, 無論身邊是否有人相陪, 梗係有d寂寞感伴隨的. 下雨天更甚...
~ 行街買野時, 總會不期然心想 [ 呢件岩爸爸喎 ; 果件佢實鐘意 ]
~ 獨個兒出門, 一定伸手派,點對點直達目的地, 唔會自已一個人坐公共交通
工具. 不過呢樣又未必完全關事, 我以前都係伸手派, 只係冇而家咁嚴重啫.
~ 唯一一個我知的死穴. 我唔可以踏足QE腫瘤大樓. 不過呢個唔係問題,反正
我都唔想要再去.
~ 阿j衣物仍未執拾, 唔計上衣, 其中過半百條牛仔褲 , 幾十對波鞋, 好多係特
別版, 仲有好多同我係同款唔同色的…真係無從入手. 暫且又唔理佢住.
又隨心好了. 想執就執.
一個人生活, 暫時對我黎講難度不大. 我本身唔係d成日呱呱叫既人. 我只有
一個死敵 [ 曱甴 ] 幸好家中幾年都未出現過. 只要佢唔出現, 應該冇咩可以
嚇到我. 家中用品, 又可選擇送貨服務. 我唔會再挑戰自己體能了.
餘下只要心態上要多多適應 , 多多學習應該可以了.
活到老學到老
2008年7月11日 星期五
無事忙
無聊閉關生活中 
~ 睡覺 
~ 同5Bs 玩 O..nono, 係比5Bs玩先岩
~ shopping 
~ 吃喝 
又想飛 又唔想飛 
唔知去邊好 又唔捨得5Bs獨自在家
呢個星期又係下雨天 心情都好似鬱悶d 
希望下星期可以見下藍天白雲
2008年7月2日 星期三
久違了
昨日黃昏回家後, 居然1覺瞓到今朝. 足足10多個鐘
~ 真是久違了的睡眠
由阿j開始病至今, 總是心掛掛的幾個鐘會醒一醒的. 真
的好久好久未能如此放心放肆的睡了.
可能阿j搬埋新居,安定好一切, 我身心不自覺放鬆了
我又有進步了. 能夠好好睡眠都可以反映身心狀態.
爸爸 ~ 昨日由接你後一直抱你在懷中,當中夾雜太多感
受, 淚水少不免. 不過你別擔心. 為你流淚的時間
只佔我目前生活很少的巴仙, 思念時,亦不是只有
傷痛淚水伴隨. 當中仍有很多很多美麗回憶.
你知我好識愛鍚我自己, 你知我掛在口邊的金句.
[ 冇人有義務照顧你對你好. 最基本係要自己愛惜自己 ]
你離去我都沒有倒地不起, 我相信以後沒有什麼事我是面對不了.
專家話失去伴侶最容易引發情緒病是數個月後. 你別擔心,我會
留意自己亦已知會各親朋如發覺我有異常,即時拉我去睇醫生.
爸爸 ~ 好好過新生活, 要開心啊 ! 我都會的.