落幕了

與癌共舞 ~ 落幕了

別了 ~ 我最愛

阿j昨晚走了 ~

感恩, 我非常感恩 ; 如我所願, 阿j是靜靜地沉沉睡去,沒有任何痛苦.

我傷心我不捨, 但見阿j如此走的好 ; 我真的無憾了.

 

my hero

面對即將別離, 是傷痛; 是不捨..

我只可相信身邊所有人的說話;

我已盡我能力付出我所有.

你在此段日子仍是幸福的.

你身邊如此多人愛是無憾的.

你只會沉沉睡去, 沒有痛苦的.

my hero 阿j

早前危險的1晚, 硬撐過去.. 真了不起.

你的不捨,我明白.

我的淚水,你亦明白.

現在我仍可做的. 就是無論你清醒時,沉睡時,

我不斷在你耳邊講出令你安心的說話....

我只要你瀟灑的安心的走. 別帶一絲牽掛.

現在我唯一心願就是你靜靜地沉睡去,我不

要你有任何痛苦.

規律

近月生活非常有規律 ; 屋企à瞓覺à醫院 ; 每日同1路徑同1 目的.

j 媽上午至黃昏, 我就由下午至半夜. 生活有點兒沉悶 ; 有點兒疲倦 ;

知道阿j幾穩定, 今早偷左2個多小時去做左個facial+按摩, 比自己充充電.

阿j都幾多攪笑野 ;

~ 試過我半夜剛由醫院回到家門口已來電想見我 ; 即時又返上去

~ 試過半夜來電發夢好驚要我相陪

~ 試過半夜便便後要我過去換片片

~ 試過零晨5點我剛瞓落床又致電我到醫院幫佢抓背脊

以前我瞓左係聽唔到電話的.而家響第2聲已經接左了.

半夜係醫院,原來1 啲都唔恐怖, 相反又幾多攪笑事 ;

~ 病人變身金華火腿, [ 姑娘叫的 ]  夜更姑娘男的女的都比佢踢過伸過,

~ 姑娘們真係常常比病人用腳踢,比病人出拳打

~ 聽到有病人家人吩咐姑娘 “明早幫我買份報紙比xx床 “  當然冇人會采佢啦.嘿嘿.

~ 姑娘們不停追住d唔聽話係走廊行來行去既病人,因為佢地係唔可以落床既

~ 病人3翻 4次自行解束衣帶偷落床, 最後連人帶床一併推出大門counter位置

~ 病人係都唔肯用尿壺, 不停手按叮叮鐘, 吵過不停

~ 病人每到半夜就叫個不停

~ 嘿嘿,又見到有阿嬸係衣服間蓋埋被….瞓左..

生日快樂 - 3Bs

3Bs 1歲啦

當日親手接佢地出來,只係幾吋既毛毛蟲,轉眼己1歲了

出生頭1個星期我同家姐真係眠乾睡濕湊佢地,可幸3Bs可健健

康康成長, 我相信3Bs同我地生活係快樂既 

只是有點點遺憾33先去彩虹橋 

2007-5-16 出生第2日既4Bs

2008 今日既大大 - 身形己大過mm媽了,body仲好實淨添 樣子又

"麻甩佬" 不過係唔知係咪desexed左既關係,性格超嗲,蠢蠢地,

整日都埃身埃勢係典型既鱷魚頭老襯底

2008 今日既 22 - 身材圓轆轆,樣子好甜美好淑女.不過....係超級

小氣同霸道 如果入屋唔係第1個叫佢抱佢.即是轉身走人唔

鬼采你.又成日追住阿哥同妹黎咬咬

2008 今日既 44 - 同bibi爸一個餅印, 就連擘開脾既坐姿都學足哂

又鐘意似bibi爸咁用雙腳企係度 而且叫聲特別甜美,性格好小

心醒目, 次次比阿哥家姐追就第1時間發出慘叫聲向我地求救.

我曾經打算比左大大我家姐,不過最後都係唔捨得 唔捨得分開佢

地3兄友弟妹. 梗加唔捨得比哂3個佢呀 最後家姐都係忍唔住喵喵

既誘惑帶左umi仔回家

家有5Bs 洗費唔少, 食物,沙沙,針針....打理時間都唔少, 每日同佢地清

潔,仲要不停用吸毛紙拖地,清理sofa同窗簾既毛毛. 由其而家春入夏,

正係換毛期,數量都幾嚇人 

不過我真係好開心有佢地呢年感受更深,, 佢地係我同阿j快樂泉源  

而近月更加令我獨自在家沒有孤獨冷清既感覺 每次開門即見5Bs坐

定定相迎  落淚時佢地又好似明白咁靜靜的坐著望住我.

有5Bs係我既幸福 

仍有歡樂

雖然阿j警報未解除, 我眼中佢慢慢進步,不過醫生口中佢係慢

慢地轉差, 不過唔理了,聽完就算. 好好開心過好每1日最緊要.

係醫院我地仍常有令人發笑對話

....阿j伸出佢隻手...話佢而家練緊九陰白骨爪...

....我話佢係3D人體骨骼圖...

.....問阿j敢唔敢照鏡,佢答 "唔敢,自己都驚嚇到噴飯..

....阿j係骷髏頭堡堡主, 仲問我間房有冇人可以同佢爭做話事人..

....阿j話佢個 [羅友] 係媽媽(即係我)資產, 其他人唔掂得..[其實係指換片片]

....我家姐講開屋企電視壞左,阿j答咀 "咁而家咪日日老人與海+隻貓囉..."

.....唔想飲湯..阿j即時扮瞓左....

....我不時會問阿j同一件事,了解下佢精神狀況, 問第3次,佢即答

    " 我老人痴呆左啦... 跟手比多個眼神我添

.....我地2個成日講d阿嬸是非, 阿j改左佢地叫肥C

.....我不時會擁抱阿j, 次次佢都叫...斷骨啦...斷骨啦...啪啪..斷左...

.....同阿j goodbye kiss時, 次次都叫 "唔好隊個豬頭埋黎.."

太多不能盡錄, 不過肯定係佢而家仍有精神1言9頂..... 

係好小既事,不過我地生活仍有樂趣同笑容,已經好足夠

仲有阿j好叻仔, 佢真係好叻仔.. 打哂止痛針 + 流住眼淚伸直

雙腿頂哂電療定位加電療過程足足幾個鐘. 電療師眼見佢流哂眼

淚頂, 都問佢洗唔洗分幾日做..... 佢喊哂口答唔洗. 1次過做哂佢

阿j既小宇宙絕不可小觀

惡行

日日醫院遊, 每日都係醫院陪阿j至半夜,

見識左好多[ 惡行 ] 全部都係關於阿嬸級...

原來平時係探病時間見果d咀臉已經係小兒科

嘩.. 半夜要佢地勞動時...更加係

惡形惡相 + 悔悔氣氣...

由其係面對一些神志不清或行動不便既病人

病人叫換片 ;

.... 好悔氣+好大聲問病人你懶屎呀... 又懶屎呀..

.....大力d頂起個羅友啦, 我唔夠力呀.......

病人要尿壺 ;

......兜口兜面問佢都當聽唔到, 行過左又大大聲問人要咩

病人按鐘 ;

....人未到惡聲已到, 務求叫聲哂全房人...

護士叫佢攞野比病人 ;

...邊做邊ee 哦哦,一臉極不願意既樣 [ 呢隻我都硬食左好幾次,

   仲慘過我問佢借錢 ]

太多了.....不能盡錄

當然其中有個別都好好人, 不過真係可能得果"幾個"

我自問我係醫院內好忍得,EQ更高,因我家人係佢地手上 我可做

我都自己做返哂,費時勞煩佢地, 盡可能避開佢地了,唔同佢地交手架

啦. 不過每次要開火既目標都係阿嬸. 次次都係忍唔到佢地d態度.

我由05年老爸住院經驗開始,已經覺得醫院最惡頂一定係-->阿嬸

近日留得夜, 見得仲多,就更肯定呢點.

相比之下,同級的阿叔們又會好人好多噃

阿嬸, 知你打份工,唔洗你對親人咁溫柔對待,不過都唔洗下下咁惡c兇人啫......唉