今日同家姐睇返3bs出世d相片. 話咁快由3個幾吋既毛毛蟲,
到而家差唔多10個月了. 可幸個個都健健康康
. 每次見佢
地瞓覺時打出哂個肚皮,好安心既樣子, 我深信3Bs同我地生
活係快活既
我呢..真係好慶幸除左BiBi 同妹妹更加有3Bs
相陪, 佢比到我地既樂趣係筆墨難以形容
大大 - 大個仔鐘意睇電視
小心近視呀~阿仔
雙眼發青光呀 ~ 佢得個樣,性格好黐身,成日跟出跟入.
22 ~ 睡姿 ~令我地不時發笑
22係好嗲好嗲不過又係好霸道既
22 ~ 瞓係我身邊時影架
又係22 ~ 個甲蟲背囊仔係姨婆=我家姐 送既
44 ~ 佢真係好得意, 喵聲好嬌好甜美 性格好小心謹慎
今日又到覆診日. 因阿j行動不便. 手腳冇咩力,行得好細步, 我擔心上落車較
困難, 仲搵埋j妹陪同幫手添. 不過阿j好叻仔. 出入車廂係慢dd. 不過完全冇
難度
我就shela啦. 自己都可以將架車車擺入車尾箱
我真係越來越shela...大大力搵飯食.嘿嘿
另外今日阿j要照x-ray. 幸好醫護好人. 比我陪同入房幫阿j上落床.
又可順利過一關.
阿j好怕照x-ray,照機呢d野.事關佢而家手腳唔靈活. 好多角度做唔到.
醫護唔識就佢,推錯位置阿j就會痛了.加上床板太硬. 瞓耐dd背脊已好辛苦.
見完醫生, 冇驚喜又冇驚嚇, 仍係意料之內
下星期約左做電療定位. 睇下可否電下股骨等可以減慢惡化程度. 順手約
埋CT, 第1次有free既CT做,仲排得好快添下星期就有位啦. 不過阿j
回家後同我講唔係好想照, 佢一諗起要瞓係硬板起碼半個鐘. 頭都暈埋
比佢考慮多幾日啦... 想照就照啦, 真係唔想我就打過去cancel左個booking.
反正而家我地都唔focus 係多左定少左
阿j手腳係越來越唔靈活, 有時瞓醒會唔夠力自己起床. 不過幸好係慢慢出現,
佢亦慢慢適應過中轉變, 情緒沒因此而太低落. 加上有我呢個新入行小骨女.
日日按摩,佢都幾爽架
阿j精神面色唔差 ; 胃口正在進步中 ; 肥左小小咁啦 ; 因有食安眠藥, 睡眠質
數好好.1覺瞓天光
....感恩
....
近日好努力調節我生活模式更配合阿j, 因阿j而
家早睡早起. 朝8晚10半. 而且daytime佢胃口比
較好. 希望可以係黃昏前供應多d食物
我呢.... 都好想改下唔好既生活習慣
~ 要瞓多d ; 之前成年都睡眠不足
~ 不要一個覺分幾次瞓 ; 之前每次瞓2-3個鐘
~ 係daytime工作 ; 以前我鐘意等阿j瞓左才坐定定工作
~ 係daytime做清潔 ; 以前我鐘意等阿j瞓左先攪
改革 ! 改革中
初初幾日比較難攪, 夜晚12點幾上床仍眼仔碌碌
,
而家持續左3個幾星期, 一到12點就想瞓
所以近日夜晚唔見我online, 唔洗擔心啊,我好ok呀
今朝 ~ 在阿j背後幫佢按背時, 摸住佢d骨,好心酸.不自覺
緊抱佢. 阿j feel到我感受,佢突然出聲 "為左你,我會努力..."
我眼淚即時流下... 同佢講, 我知道, 只要你開心你意願, 我
都會陪住你....."
我倆既日子,離不開歡笑中必定有眼淚~ 不過我仍好享受
,同我家5Bs懞懞地
完全唔同 ~
