阿j留院中

阿j 昨日電療時, 因紋點模糊加上唔能夠伸直右腿角度跟定位相同,

唔可以進行電療. 當從新做定位時, 亦因右腿不能伸直至合格姿勢而

未能成功定位, 醫生提意留院調教止痛方法, 就係咁! 阿j昨日留院了 

阿j決定留院時仍笑笑口, 當知道探病時縮短至2小時後, 即刻冇哂表情

雖然阿j身體精神狀態理應不需擔心, 不過昨日知道要佢留院時, 我心

仍難免忐忑不安  不禁致電家姐哭訴結果當然是趕來相陪

嘿嘿.... 多謝家姐  在家人面前, 不論年紀多大, 不論是否小事; 任何

時候, 不需掩飾, 想喊就喊, 想撒嬌就撒嬌....真好家人1句說話即

刻可以定我心神 ,回復正面思想 

昨晚陪阿j直至姑娘出聲趕走後,  再食埋晚餐, 我心感當時情緒仍不適合

獨自在家跟孤寂同不安單打獨鬥,  唯有暫時賣甩5Bs.... 決定回公司跟至

友+工作聯手對抗, 又適馮要交數給audit, 昨晚就係同papers 玩過通霄 

期間再加埋同cc講左3個幾鐘電話

今午起來, 孤寂同不安已經比我掃走哂仲順手做全屋清潔又拆埋梳化

套同所有cushion套去乾洗. 等阿j爸爸回家享用 再開開心心去偷渡見阿j.

今晚沒有應邀選擇獨自在家, 打算做過浸浴坐坐按摩椅享受電視. 因我已

掃走不安, 心神己定

不過阿j今日就悶到偏哂咀了, 一早比姑娘推左去照X光, 已令佢叫苦, 就算

醫護已儘量相就, 不過沒有我等熟手技工在傍幫手, 始終差d 加上醫院

守衛深嚴, 今日我雖然可成功偷渡不過姑娘己出聲責備了

 

爸爸別偏咀了~ 我今日已得姑娘應承,可以係非探病時間前來陪你出外

曬曬太陽吸吸新鮮空氣

明天電療

今午接到醫院電療部來電, 明天開始電pat pat 啦

早幾日覆診時,  知道係同之前做同1部機, 就去左八

下個期, 咁岩見返同我地熟d既電療師,順手落下咀頭,

話佢知阿j個pat比早前更痛  [當然講得誇大小小啦 ], 

希望早d可以電,  電療師初時官式答覆阿j係排隊中, 應該

會係下星期中至尾..... 不過之後佢加句會盡快安排 

嘿嘿.. 我多口問句又成功左, 因為比官式答覆早左好多下

阿j個pat都幾麻煩, 唔係話好痛, 係keep住唔舒服, 坐得耐就

覺痛, 減壓坐墊我地都買左唔少了, 不過都係唔work. 今日

剛剛又買左1個, 呢個已經係市面上我搵到既最貴了, 如果

都係唔岩..... 真係唔知有咩對策了

希望新墊岩阿j !

希望電左會有改善 !

希望一切順順利利 !

據過往經驗, 電骨全冇副作用, 希望今次都係 !

ps : 要多謝cc幫我周圍問朋友攞坐墊discount呀 

昨日又接埋物理治療部來電4月1日見阿j 做評估, 希

望可以成功爭取姑娘上門教我護理方式

有問題要出聲

70%長期病患者遇家庭問題

香港復康會的調查發現，70%受訪長期病患者曾於過去6個月遇上家庭問題，

但當中大部分完全沒有向外間求助。該會建議，政府盡快制定新方案，

支援長期病患者及其家屬，以免出現家庭悲劇。

調查於去年11月至今年1月進行，共訪問689名長期病患者。調查發現，70.1%受

訪者表示，曾於過去6個月遇到家庭問題，當中有31.1%更表示其家庭問題是非

常嚴重。而遇到的問題順序分別為經濟負擔(81.7%)、家人生活(66.2%)、家庭角

色及責任(48.8%)、與伴侶感情及關係(47.8%)等。

年齡愈輕 問題愈重

調查亦發現，患有長期病的數目愈多、年齡愈年輕，其家庭問題愈嚴重；

患有腦科病(例如中風)、慢性肺病或柏金遜症的患者，家庭問題亦相對較為惡劣。

另外，66.5%有家庭問題的受訪者表示，只會自己處理問題。

香港復康會復康部高級經理梁錦滔表示，據統計處01年資料，香港約有88萬長期病

患者，但該會每年長期病患者新增求助個案只有約1,000名，求助比率偏低。他相信

是由於醫生沒時間作適當的轉介，病人亦沒有意識向外尋求協助。

該會建議，政府應盡快制定新的長期病患者社區及家庭支援方案；增加資源，擴展

長期病患者社交心理支援服務；及建立服務溝通轉介機制，令有需要的家庭可及早

獲得服務。

年約60歲的楊太育有兩子一女，丈夫約於10年前中風，兒子於2003年亦因先天性血

管畸型發病，令行動、溝通均出現問題。她坦言，同時照顧兩名病患者常令她心力

交瘁；直至丈夫於去年去世，及兒子參加社區復康網絡舉辦的長期病自我管理課程，

說話能力大大改善，她的心情才比以前開朗。 (都市)

http://www.metrohk.com.hk/news.php?startDate=25032008&newscat=1&newsid=72345

 

其實坊間都唔少機構係可以幫助各種不同病人需要. 首要係主動開口查問求助.

 

阿j因係癌症, 我自然搵癌協, 今年初時覺得有需要啦, 就打左去hotline, 略略講我

地情況. 之後就有義工主動致電同阿 j 傾談, 又有社工上門家訪,再有姑娘主動致

電關心.  佢地分別會關心病人同家人2方面.  當了解到你真正需要時, 會按照你

需要而協助的.

如我2, 社工同我地傾完後, 明白我最想學多d護理方面. 佢就安排左另1個姑娘

同我聯絡. 好似今次上門教授照顧病者技巧,  就係癌協姑娘話比我知道係可以

向醫生提出的.  佢唔講我地真係唔知道, 我仲搵緊d 相關course添.

協會有好多有唔同資訊, 知識. 有一定幫助.

 

有需要就開口問人啦 ! 唔好困住自己, 身體有病冇得揀, 但個"心"病唔病係有得

選擇的.

又一夜

阿j狀態同近日天氣一樣, 時晴時雨

自前日半夜發燒後, 今晚半夜又突然發燒

今晚瞓到3點幾, 摸到阿j隻手係滾既. 即時彈起身幫佢探熱->發燒

隨即食藥, 冰袋, 擦身......... 不過今次阿j唔覺體內打冷震, 我心又定d.

幸好2個鐘左右可以退燒.

而家佢己熟睡了. 不過我仍眼光光呢 出面正在下雨中......

其實前晚阿j發燒時確實令我驚一驚, 因為都算高燒,體內又打冷震,驚

佢出現肺炎等.. 剛好又在一段情深對話之後發燒, 難免令我加倍警覺,

邊照顧邊準備行裝,隨時去醫院. 幸好食藥後,3個鐘內退到燒. 我心都定d..

昨日天色好d. 身體又feel good 喎, 唔怪得人地話初春病人最反覆

呢2次發燒情況同之前既tumor fever 唔同, 唔係keep住微燒,希望唔好

係tumor fever, 因為按我地經驗,一出現持續微燒即係d癌又開始跳舞咯..

今日剛巧係覆診日, 同醫生都講左, 比定d退燒藥, 醫生話會退燒就ok, 唔

退要返醫院睇睇..  電療就下星期有期了.  之前流感高峰期我冇打去追.驚驚呀.

而家見流感控制左, 先去八下. 幸好同之前做同一部機, 電療師了解阿j活動能

力. 相信過程會順利好多

今日又順手同醫生講希望refer 阿j去物理治療部做評估, 安排姑娘上門教我如

何參扶同照顧阿j日常起居. 嘿嘿. 成功左. 排隊等見面.  多謝癌協李姑娘教路,

教我同醫生提出.  李姑娘好好, 叫我先問醫生, 佢話如果醫院唔肯, 佢都會安排

1次同樣上門教學比我.

Happy Easter

 

曲奇餅

葡京樂宮腰果曲奇餅 阿j好鐘意食架

我2愛食好鬆化既曲奇, 車里哥夫同樂宮係我2至愛

以前我地勾起條根就過澳門買幾盒返來嘆. 呢年幾冇得去

成日諗起都流哂口水. 幸好仍有車里哥夫頂癮.

有日同cc提起好想食佢, 點知隔日即有

阿j見到真係2眼發光架….

太多謝好友cc  

仲岩岩先食完1罐, 昨日又有1罐

記得早幾年時, 呢間樂宮好攪鬼, 係葡京入面,早又唔開, 晏左又賣哂. 而且

個櫃面好似半執笠既樣, 長期冇人企係入面, 1係就等 ; 再唔係就大叫要買野.

如果唔係最初有朋友買比我地食過, 真係行過櫃面都唔識貨. 

後來就免稅店內有小盒裝賣. 不過好小罐得10多塊.

已經成年幾冇過澳門了, 好掛住d美食同睹場, 好想試下d新酒店

講開曲奇, 近日我又有新目標呀, 睇雜誌介紹大嶼山神樂院曲奇, 係神父

手造的. 市區有一間代售, 不過長期缺貨…. 真係好想試下 唔知咩口感架呢

變態 ?

今晚好攪笑, 我覺得有d變態.

話說係睇到最美麗的第7天最last part, 男女主角

深情相擁對話復合果段.........理應我地好有共鳴 ?

不過實情係我同阿j睇到嘿嘿大笑

我地完全冇touching... 冇傷感....冇身同感受

唔知係我2變態 ?

定係佢地演技唔掂 ?