唔知係咪秋意濃, 人都懶散哂
阿j呢個星期放假唔洗醫院遊, 狀態 ok 又多
飯局, 我個人時間多左,理應可以放返d時間
係公司同工作上面. 事實係冇囉
對工作仍
係悠悠閒咁,又冇動力返公司打個轉. 成個星
期都係煲下湯 + 行街shopping+飲飲食食 +留
係屋企陪5Bs玩.懶到自己都覺唔好意思
雖然我地一直對工作都係咁既態度. 搵夠就
放低公司去遊下埠,不過今時唔同往日囉,要
努力儲多d子彈. 加上拍擋同我頂左公司成大
半年
係適當時間等佢有時間休息下lu.
我既短期目標 -> 戒除懶惰收拾心裡
近日阿j 狀態好太多節目. 我同5Bs 在家玩得不亦樂乎.
3Bs精力旺盛. 跑跑跳跳不停
只要我揮動毛毛棒,
第1時間衝哂出來. BiBi 爸爸同mm媽媽有時都加入戰團,
都幾震撼下
閒來無事我自家製左2個catnip袋仔比佢地玩. 1家5口又爭
過不停
近日發覺3Bs好鐘意跟住BiBi爸爸一齊瞓一齊玩.
mm媽媽多數隔岸觀火
已完成回復mm既cool 妹本性
朋友都有問過我而家成日係屋企會悶嗎 ? 答案係絕不
叫佢地又有反應望下你.
佢地又會主動走埋身要摸摸抱抱
我 1 shake佢地d 小食包包,5Bs即係四面八方走哂出來
瞓覺時又會有5Bs陪瞓
工作時又有5Bs同我爭櫈爭柗爭keyboard
清潔時又有3Bs追拖把
BiBi+mm會即跳上窗台唔阻我
出門時又有5Bs不捨相送
有5Bs陪我 ; 點會悶呀
之前曾講過, 呢大半年換黎對 [ 主婦手 ]
唔知係咪轉天氣, 近日越加嚴重. d手指好痕好痕, 痕到想咬佢
又要忍住唔抓. 一抓就會出粒粒又紅又腫.
搽左藥膏都係頂得住一陣.
帶手套做野除左仲痕. 好似對膠手套都敏感埋
點攪呀
又唔想比阿j知我好痕, 驚佢會有bad feeling
呢樣佢知一定關佢事, 因我以前十指不沾水
而家1日到黑企係廚房
要偷偷搽藥膏. 坐係佢隔離只可以緊握拳頭止痕
呢個星期最困擾我 就係呢對主婦手
阿手手, 唔該幫幫忙... 唔好痕啦. 唔該
係阿 j 打化療中, 每日我會煲2款湯水.
食材係書同網上search返黎 + 病友經驗 + 問過中醫.
加埋我地6個月既經驗, 之前冇睇中醫. 醫生讚阿j 血指數靚
因而可改為每打2針先驗1次血. 令我覺食療係work既. 
轉左 T+Z 依舊沿用, 打左3針, 血指數+ 肝腎功能overall 都唔錯,keep得幾好.
- 雞血滕 可配搭 杞子; 紅棗 ; 瘦肉 ~ [ 補紅血球 ]
- 小米惹仁煲粥 或 水 ~ [ 養血健睥 ]
- 花生衣 + 紅腰豆 + 紅棗 ~ [ 升血小板 ] 阿j一飲2次即升 ** 過高停飲即降
- 白蘑菇煲瘦肉 ~ [ 升白血球 ] 阿j之前打左14針,一直高企係6-8 ** 血壓低停用
- 生薏仁+大棗+ 杞子+ 赤小豆 ~ [ 升白血球 ]
- 北芪 ; 黃精 ~ 可自由配搭
- 無花果 ; 蜜棗 ; 姬松茸 ; 羅漢果 ; 雪耳 ; 黑木耳 ; 百合 ; 冬菇自由配搭 [ 有益好飲 ]
- 梅花點香蕉 , 車厘子 [ 升白血球 ]
- 蘋果+紅籮白+薯仔 鮮汁更要日日飲[利便用 ]
- 五行湯 每星期飲1-2次[ 清毒用 ]
- 淮山茨實蓮子煲廋肉 ~ [ 止瀉用 ]
- 炖水魚 [ 滋補 ] ** 中醫提醒肝差唔好用, 因會誘發腹水
- 菱角 + 蜜棗 + 果皮 [ 每日必飲 ]
- 開始入秋, 可以炖下川貝 + 雪耳 + 蘋果 ; 雪梨..
- 而家有又有埋 [ 蛇麻醇酯 ] , 奇異果, 提子,士多卑梨更加不能少
唔想食都要打汁飲
- 襯有紅石榴, 番荔枝都唔會放過
其實仲有好多不同湯水方. 不過以上材料比較簡單我易d handle. 
希望係阿j停睇中醫期間有幫助
因佢都幾怕飲中醫開既中藥, 佢話早晚2碗都幾頂胃.
不過佢應承左我, 如果期間身體有異樣即刻睇返中醫幫手
而家比佢free下先啦.
p.s 我已成功用風乾方法保存左15斤菱角. 阿j有排飲. 呵呵
阿j今日又順順利利打左第3針.完成左第1個cycle.
下星期有假放. 月尾再開始第2個cycle.
阿j對呢個新組合 T + Z 暫時反應非常好. 副作用唔太大,
只係針後第3日. 骨比較痛.. 真係唔錯囉
胃口好好. 狀態好好. 體重又上反 61+ kgs 添. 感恩
昨日覆診又係見我至愛"裙腳"醫生 佢又係比哂d驗血
report我拎走. 唔洗抄. 呵呵. 同佢熟左. 閒聊都多左. 睇得
出佢都開心見阿j狀態好左. 又肥左.
昨日x-ray + mri 報告都齊哂. 冇太worst問題, 係肌肉有小小
發炎.唔係因腫瘤而影響pat酸軟. 醫生估計酸軟係電療副作
用. 可能時間耐d有改進, 亦可能會一直係咁. 不過都ok囉.
相對黎講;酸軟只係小問題.起碼冇太影響活動能力
今朝陪阿j返QE照MRI. 呢個期係8月中時因腿腫住院時而安排的.
因約期太耐, 當時我地已經自費外出照左.而且至今腿腫亦已經散
哂. 對上幾次覆診我都問醫生,洗唔洗cancel左今日呢個MRI.
因我心感阿j 冇須要就唔好浪費資源,讓個期比d有須要既病人更好.
公立期真係等好耐. 當時阿j已經係將URGENT期,都要等成個幾月.
可想而知MRI既輪候人數
我話.. 腿腫塊冇啦喎... 照咩呀 ! 
不如cancel左佢呀 ?
醫生. 照左先啦反正約左照埋佢啦. 唔好cancel啦 當keep follow 都好
幸好今日照機時, 阿j 同醫生傾開下身情況. 阿醫生願意順手照埋哂成
個盤骨+大腿骨 [ 因阿j 右pat 酸軟, 上星期己照左x-ray ]
我心好過d 咯, 起碼冇浪費資源照一條冇腫脹既腿.
我又開心喎, 襯機又可用MRI 跟進埋patpat既酸軟問題.
我更開心係. 節省左銀兩
,因可以預計,如果x-ray find out沒到
pat既問題, 我肯定又會外出自費MRI. 快d知咩事,快d攪掂佢.
點解咁緊張 ? 因阿j 有個案, 前後3個星期咋. 上星期x-ray冇事, 隔個
星期再x-ray 醫生即時要阿j 入院安排做固骨手術. 等待中完全唔比
佢落床, 怕佢跌倒骨折..
佢4肢骨都有cells, 雖然暫時受控制, 但稍一不慎會好麻煩
最重要係阿j覺得行動自如係佢最基本想要既生活quality
2次行動不便就係阿j最失意志既時候.
阿j對行動不便人士絕無貶意,只係每人要求既life quality都唔同, 沒有對與錯.
值得又讚下, 阿j話QE MRI部門,各人都好nice好細心.
