長舌婦 ! 好討厭 !

今日等緊阿J做PET時,頭個鐘我唔可以走開. 坐係度硬食左呢個長舌

.

普通料內容 ; 係煩不過唔會令人想 "質" 拳佢.

不停咁申有xx病有幾辛苦,yy病又有幾辛苦…

加上屋企個衰新抱唔捨得份工,要佢又要照顧老公又要照顧個孫…

又申個仔好忙放唔到假陪佢地黎…

再申老公上年做左腸手術,照顧佢又有幾辛苦…

申埋明明做完手術唔洗做化療唔知點解而家醫生話指數高要照PET又有幾辛苦…

佢係不停咀. 其他我唔記得左. 

戲肉呢

;

D人做化療又甩頭髮,又爛口,又嘔….. [ 講哂D副作用出黎 ] 呢D生活點過呀…成

日要出入醫院….比死更難受…..做完又唔知可以捱幾耐… 都唔知捱來做乜…

以上說話,佢每次有新對象就講一次. 大多反應係佢講到戲肉就冇人答佢.

註 : 當時有1個人應該做緊或者完成左化療既朋友坐係度.

       當時除左我另外有2個朋友&家人坐係度等緊入房.

       阿J 係房做緊PET, 佢聽唔到.

       佢老公係房打緊針. 都係聽唔度

 

阿長舌 :  你老公都係度照緊架 !

              你有冇理過其他照PET既朋友感受呀 !

              你有冇望過你隔離做緊/完成化療果位既朋友既眼神呀 !

              你口痕就攞起自己隻手咬住 !

              你令我好同情你家人 !

佢仲居然坐埋我身邊眼望望想"了"埋我. 邊聽我邊黑面射左佢幾眼

. 忍得住唔出聲

都忍唔住蔑佢

.

如果阿J都聽到, 我就會答咀話佢知 "我地做緊化療,好好玩又開心又舒服,仲肥左又靚左tim"

呢幾個月,我已經將我EQ不斷提升, 唔岩聽唔岩睇我就走,唔會動氣. 今日爭d比呢個長舌婦

令我破戒.