絕不再求診既醫院- 案件一

絕不再求診既醫院 - 案件一

有病時唔信醫院 & 醫生, 我地呢d普通人可以信咩 ??

呢間係鬧市中既醫院令跣左我兩次. 仲一次比一次大鑊.

前年老豆晚上肚痛想去急症室. 當時我家人真係基於唔想濫用救護車心態,自行車左我老豆入

呢間醫院. 見左醫生照左x-ray. 佢好肯定 "冇咩事,老人家常有既大便唔暢通. 塞左係腸度.食d

通便藥得架啦. 我問" 除左呢個可理性,仲有冇其他可理性呀?,我爸爸好痛喎,標哂冷汗咁既. 洗

唔洗留院安全d呀 " "唔洗,冇咩事既. 而家藥房收左,你聽日返黎拎藥啦" 見佢好肯定我地都安哂

心回家.   第2日媽媽來電;話爸仍好痛. 即刻返去,見爸休克咁樣,即時call 999. 因為區域問題,

要送去QE.  一入急症室, 同護士講哂昨晚既事,佢問"咁有冇同佢放大便" 我話冇喎,只有藥. 佢

O哂咀即推左入去急症室既急救房. 突然數個著白袍醫生急步走入.  5分鐘後,有一醫生出黎. 講

要即刻做手術. 我爸腹部出滿血, 只有50/50機會.即簽紙. 緊急到醫生都唔等推床員工就幾個醫生

自己推走.  等左8個鍾,手術成功入左ICU. 醫生同我地解釋情況" 我老豆爆左大動脈血管瘤,成個腹

充滿血. 佢昨日痛應該因為血管瘤裂緊未爆. 今日爆左失血引至休克, 因為手術期間要夾住比血2個

腎既血管.有可能以後要洗腎,手術算成功但唔樂觀......如果未爆前做手術會好好多... "

我唔知如果當日第1 間醫院小心d細心d又會點. 我只記得QE醫生一句 "如果未爆時做手術會好好多" 

不過我唔認為唔關佢地事. 事實係其後亦因為呢個問題,令我老豆1個月內做左3次大手術. 住係ICU

over 40日. 我地成家就係QE游走左6個月.  我爸亦成為醫生護士口中的奇蹟. 6個月內有好多

趣事. 有2個好好好既醫生幫我爸爸. 佢地到而家見到我仍講得出我老豆個名.

 亦係呢個原因我同阿J選擇QE.