4/24 第2針

4/24 第2針

昨日驗血pass. 好開心.   今天可以打第2支針.

-   血小板 385 偏高   血小板正常是150~300

-   白血球 4.6              白血球數量正常是4~11

-   血色素 12.6            血色素正常是10~14 

-   體重就差d 輕左1lbs左右

昨日見個新醫生, 檢查幾細心, 講野就係快狠準果隻.  非常容易溝通 :}

不過我問佢驗血指數時呢, 佢問反我轉頭 " 點解想知得咁詳細 ?" " 我要mark低lor "

"mark低黎咩用? " " 睇下d食療有冇作用lor "  佢咀角牽一牽 "好難架, 跌就梗架啦"

我又比個靚靚笑容佢 " 我會儘力keep住佢地 "  跟住佢笑笑口好快咁報數左3個數. 

佢d表情令我有問號. 不過唔理佢lu. 佢有佢睇法, 我有我做法.  

 

今早起來. 個天已全黑正是狂風暴雨的來臨. 梳洗完畢已經是黃雨->紅雨. 正擔心

千萬別黑雨啊. 幸好沒有. 由此天氣惡劣實在不能出門. 唯有2人在家吃吃早餐.再打算吧.

哈. 又幸好. 時間差不多時,只是微雨.

到達醫院已11: 50+分. 安置好阿j 後. 急跑去藥房取藥. 上次經驗是須時約20分鐘才可

取化療藥的. 唯有比個靚靚笑容同配藥哥哥講因天氣遲到,可否幫忙儘快呢 :} 哈

又可幸, 佢好nice 答我 “好的,儘快比你” 呵呵,多謝配藥哥哥… 又成功.

因呢2年我已有足夠經驗跟公立醫院員工交手. 無往而不利架. :p 

只是5分鐘. 藥己到手. 跑回腫瘤大樓正是12:05. <為什麼我如此強調時間 ?>

coz 阿j見到我時, 即告知化療部有人在數分鐘前致電他查問去向 : 是否忘記 ? 是否有事

不能來 …… 有 HEART 啊, 加分比姑娘姐姐. Yeah Yeah !!

 

阿j 是吊2個半鐘, 加埋打豆豆呀. Check血壓呀…. 3個鐘左右啦. 安置好阿j後我又發揮我坐

不定性格. 走圍行. 去canteen 買杯熱奶茶再落大門口向各人報告最新程況. 每隔 30+分鐘,

我就入內看看他.  哈,入左2轉佢都瞓左…..  好安心起碼沒有邊吊邊嘔. 

 

我呢, 梗係又落樓下大門口再傾電話啦. ... 如事者至3: 30分再入房.阿j不在位.估佢

左toilet . 我執好用品,摺好被子. 回頭就見我阿j在身後. 即來個靚靚笑容拖住佢再跟姑娘

姐姐say bye. 打道回家. 

我希望今之轉左隻勁d 既上嘔針. 好用啦.

P.S 寫予 4/24