忐忑

阿j前晚開始右膝上大腿越來越酸軟冇力, 右腿拉直就痛, 不適既程度令佢行時

一拐一拐,要食返止痛丸先得.   我問佢係咪同未開始電療化療時既癌痛一樣,

佢話痛法唔同.  [唔係果種刺痛又唔係越夜越痛]

而痛既部位正正係化療前一日照x-ray既地方. 唔知關唔關事

.  

今晚同佢檢查, 發覺大腿內側腫左小小,而且用力按時阿j會痛d,嘗試幫佢按摩推

下淋巴,似乎有d用.  按摩完右腿較舒服可以拉直, 行走時都好左小小.

伴隨又有小小低燒-99度.  問過護士, 99度對佢地唔算發燒, 癌友多數身體比較

易出現低熱. 

撞正又係星期六日. 阿j唔願返醫院睇睇, 佢至怕又挾左佢住院. 因有經驗,癌症病

人又岩岩打完針有低燒再加腳痛. 急症室醫院9成會提出安排入院check下穩當d.

不過假期入院加上病徵唔嚴重, 唔會急call主診果team醫生即跟進再加上Lab休

息. 只可星期一先有action.  呢d係我地對上幾次入院既經驗.

阿j唔願意,唔迫佢住了. 我唯有緊密留意佢一舉一動.

幸好阿j胃口仍在, 精神唔差.

睇返阿j呢2個星期針後反應, 似乎我地要ready for 另一個新挑戰了

.

而我, 忐忑時唯有不斷說服自己唔好亂諗野, 唔可以咁蠢要愁埋明日憂架!