昨日幫阿j去醫院藥房攞化療藥時. 我出左門口等時, 離遠又見到我爸個主診醫生Dr.L.
佢同另1個醫生等緊lift. 大家有eye contact. 就揮揮手笑一笑. 之後我就低頭玩手
指咯, 再抬頭時見佢朝我方向行過來say hello 同問我點解係度既 ? 等人 ? 當我答佢等緊
攞化療藥. 佢仲記得阿j個case. 問下我阿j既程況, 再傾左一陣say byebye.
講真我冇expect佢唔入lift 又要行幾10步過來同我say hi講過阿j既case, 我只不過係佢年幾前其中一個病人既家人. 
. 亦冇expect佢記得我同佢
Dr.L 同 Dr.T
都係我爸2005既主診醫生, 性格各異. 一個認真一個攪笑. 佢倆個
係我家心目中係好好既醫生. 除左佢地當日救返我爸之外. 而家每季覆診都指定見Dr.L .
佢地醫德真係好好. . 最重要係佢地有醫
好幸運可以遇到佢地做主診醫生
心, 令病人同家人都安心, 初時冇住公立醫院既經驗, 唔知咩叫特別, 唔覺佢地特別好,
但係醫院遊走左6個月, 慢慢見多左. 肯定佢地offer左好多唔係必然既野比我爸.
呢幾個月我好多時係醫院都撞見佢地. 都會say個hi 講下笑傾幾句. 又問候下我爸.
阿j剛確診時,我都有問過佢地. 佢地比左個好大鑊.問我想聽真話定假話 …
既樣我
講完佢地見解之後就係咁同我講唔好意思.… 你望住佢地個樣,係知道佢地真心.
如果個個醫生都咁有HEART, 病人就最有福. 病人已經好驚, 家人又好驚, 如果仲成日
受人冷言冷語. 更加難受.
我明白 ; "一個病人"只係醫生其中一個. 但係"呢個病人" 係佢地家人唯一一個.
9 意見:
阿呢漫畫開左blog呀, 有空入黎睇下啦
啱丫!! 一個人有病, 仲要係癌, 個心已經傷透, 做醫護0既唔洗你好到好似我地屋企人咁, 但唔洗踏多腳落黎丫麻?? 正如我網誌講果個不知仁愛為何物0既所謂腫瘤科女權威, 叫個未期癌症病人無錢醫就等死, 你諗下當時我地幾咁難受!! 可能你地平時做得好事多呀~~所以遇到d咁好0既醫生囉!!
冇醫德既醫生真係通街都係.我好感恩我爸遇到佢地真係好好彩 睇黎我要做多多多d好事 阿j暫時都未遇咁超好既醫生. 不過而家睇我地既醫生都幾好o既.
咁好的醫生真係好值得表揚 . 我都要讚下威院耳鼻喉科的醫生PETER, 佢既仁心我到10年後的今日都好深刻.俾埋掌聲你
yes, it's really precious to meet a good doctor. 不只醫好你的病，還醫好你的心．
醫生有醫德真係好重要架, 如果全部醫生都好似你講個兩位醫生咁好, 就真係天下間病人既福氣
其實每個職業都要有"心"至可以做得好!!! 我好欣賞呢兩個醫生, 因為佢地都好尊重自己既職業同埋病人!!!
有心又有術(醫術)嘅醫生, 對病人, 尤其癌症病人係至重要, 因為好多時係過唔到自己嘅心理關口, 唔醫好個心, 點有決心去打呢場仗呀 . 好彩到而家為止, 我遇到嘅醫生都唔錯 (連糖果講嘅女權威都對我不薄, ).
(Empty)
張貼留言