朝8晚5

呢幾日我感冒

頭又赤又鼻水+1把好sexy既聲音.....

今日我帶住一副病樣同阿j去醫院抽組織．

8點入院, 9點入CT, 9點45分出返來. 醫生話抽唔到

照左CT, 腫脹位置縮細哂. 冇野可抽.  抽左都驗唔到, 無謂冇拿拿捱1針.

阿J笑哂口

即時變左隻開籠雀.

車返上Day ward護士告知骨科林醫生想見我地當面傾下,叫我地等.不

過最快都要2點

　阿J瞓係床等，我就坐住等,2條友食下瞓醒再瞓....

真係瞓住等. 眼濛濛等到成4點,林醫生一到即講唔好意思，我地知佢好人

想解釋清楚梗係唔會嬲佢啦

 　林醫生comment係：

- 肯定排除係癌腫　

算係good news 啊

- 可能曾因打化療令血小板過低而果個位置出血，有血塊．

不過比我否定

   左.我講出呢幾個月每次驗血我都有紀錄．徙未有過血小板過低呢個問題出現.

- 電療+化療既副作用

-唔覺意拉傷左肌肉

　我估呢樣都唔係，因為真係冇拉傷過丫．

雖然阿J係唔腫唔痛,不過仍未可行動自如. 林醫生好concern呢點但佢同時又

想可以快ｄ再進行化療. final決定安排試下物理治療,兩邊可同步進行.

不過林醫生仍未心息,佢叫我留底MRI片比佢再研究下,佢好似好頭痕,因為可以

做既儀器已經做哂都係搵唔到答案.  不過真係要好多謝林醫生咁著緊

我本想試問可否打尖今日見埋腫瘤科傾化療方面．不過比護士拒絕左．

阿J又笑哂口

 起碼可以放多10+日假．

唉唉．1舊腫脹洗左成萬5都係搵唔到因由．人體真真真奇妙