覆診

今日QE覆診, 大致如我估計.

醫生認為要轉化療藥, 我地有3個選擇. 幸好價錢仍然可afford

每月會多5k-15k左右. depend on我地用邊隻藥. 

不過要抽組織 [ 阿j最怕

] 上次經歷令佢怕怕. 問明醫生是否必須. 似乎腫瘤

科+骨科都認同做左攪清楚好d. 聽完見解, 我地接受,不過難為阿j又比人拮拮囉

今日又好想讚讚Dr I. Wong 同骨科林醫生

阿j今日約期係3點既第14個. 居然3點2叫名入房仲係見到好幫手配合mri booking果位

Dr I. Wong

. [其實今日好多人成場爆哂,  當時我一心係等緊按一般程序先等護士叫

名擺底pet報告比醫生先睇左再等見, 仲估計應該要4點半先可見醫生].

坐低閒談幾句後, Dr Wong首先處理左骨科林醫生既交帶 ;  原來林醫生曾call我,不過

搵唔到, 轉左搵Dr Wong叫佢轉交比我地. 其後再轉述林醫院同我地講 " 因為下星期佢

要出外交流開會, 但又唔想pass比其他醫生,佢想自己跟返,  所以要同我地講聲唔好意思,

要18號先可安排抽組織 "  我愕然又窩心

. 愕然係冇諗過咁客氣又細心既醫生.

更窩心+感謝當然係林醫生舉動.

一直以來阿j係骨科都係由林醫生跟進.我眼中佢已經係超級nice人又細心.  估唔到佢會因為

唔可以早d抽組織而講"唔好意思"   無論呢句"唔好意思"係林醫生講定Dr Wong代講, 我都好

感謝. 佢地令病人好有安全感. 令病人有被重視感覺.  [ 醫心從來都係最重要 ]

之後Dr Wong就同我地傾解釋pet報告內容. 再講有關化療藥既問題, 我明言, 價錢好彩仍然

係可負擔範圍內. 之後佢就好詳細咁跟據佢經驗解釋唔同化療組合既副作用....

最後4點幾先出房. Dr Wong又係超級nice,佢既態度同樣可以令我地好舒服同好有安全感.

阿j好幸運, 經常遇到好好醫生. 感恩

講真我從來好明白 " 一分錢一分貨 " 我唔會expect公立醫院會有私家醫院既服務質數. 之不過

我地係QE遇到既醫生經常令我地喜出望外. 以佢地既work load仍然可以咁有heart. 更抵讚