明天~ 新療程

10/3 號覆診, 人數好震撼 ~ 全層人山人海

朝早抽血 ~ 等左個幾鐘, 抽血真係未試過要等咁耐

 

下午覆診 ~ 4點期7點先走, 我地1行4人係最後走.  藥房同收費處都收左工, 今日要走多一轉

幸好

 + 感謝, 覆診見個女醫生anna  [ 係第1次見 ], 非常好,非常有商有量

QE 提意另一種化療配搭. 雖然同岑教授提意唔同. 不過經anna詳細解釋理據+同意如有

須要我地可以隨時轉藥, 因阿j後生, 醫院會儘力做亦會儘量配合+ 我地用自費藥,選擇權

會大d

  幸好anna係個可以商量既醫生, 所以我地可以即時決定唔洗又拖多1-2日.

再告之阿j左手臂及右股都有異樣順手再安排照x-ray. 睇下是否須要加埋電療. 

同醫生講左約大半個鐘, 出房時已冇哂人

 

Final決定今次先試2個cycles ~  打針 Taxotere + 口服 Xeloda

打針 Taxotere ~ 一般化療有既副作用佢都有, 要先食過敏藥打底

口服 Xeloda  ~ 又一般化療有既副作用佢都有, 最常見反而係影響皮膚變薄+爆拆

阿J 開心 ~

打針時間短左 + 價錢平左. 昨日知有定案,不知幾開籠雀

阿j既打針前症候群今晚來咯, 胃口唔好+ 心情小小低落

明天要上新戰場咯, 唔知副作用會好有幾大.  我d補血湯水亦要重新登場. 暫時停幾日中藥先, 

睇下阿j針後反應再作決定.

今日上去比錢. 按阿j 個case, 呢個組合真係平左好多;

Taxotere - 每針3xxx + Xeloda 每日約100 = 希望又平又有效就好咯

side effect 少d 少d 少d 少d.........................