11月近況

明天又到阿j 驗血覆診既日子, 跟據阿j目前身體狀況,

後天應可按schedule打第6針. 來緊又可放一個星期假期.

12月開始第3個cycle.

數數手指, 阿j由4月至今己打左19針化療,

Gemzer 14針 ; T+X 5針

慶幸身體狀況仍幾好. side effect唔大

阿j除停止工作外,亦可保持有限度既玩樂生活

我唔貪心, 只要保持現狀. 我好心足了

由10月阿j開始食口服化療丸, 佢唔想再食其他藥丸

類. 而家轉飲一款舞茸精既滴劑. 每日10幾廿滴.又

留意下佢功效先. 中醫亦停左睇, 因阿j覺得每日2碗

中藥反而令佢胃口唔好. 暫時又要睇定d先.

而每日保持1款滋補湯水 + 1款滋潤湯水 + 1款菱角湯.

呢2星期好乾燥,我至愛每日燉川貝雪梨蘋果.大家齊齊飲

呵呵 近來同萬寧好鬼夾, 我想買雪糕機佢換雪糕機,

呵,我想買電燉盅佢又有得換. 又平又抵用.多得友好+ j妹

幫手 話咁快就有70幾個印花 , 多到分比幾家人換添.