11/14星期三阿j覆診, 聽到叫阿j個名入x房.
噢...我倆互望一齊
1/5 機會都中
我地見過呢間x房既醫生3次, 佢唔係態度差亦冇冷言冷語, 一般
要做既都會做足 不過...佢一直比我既感覺係一個搬字過紙既人,
佢只會講佢要講既野, 唔會多亦唔會少 
我當時心想,反正今次只係睇血報告+安排11/15化療時間同比錢.
我冇野要問, 見佢都冇所謂既...
入房醫生講完血報告, 做完一般檢查. 我係度抄緊阿j 既血指數時.
醫生講下星期三 11/21上午抽血下午覆診...冇問題11/22打針
我
乜唔係聽日[11/15] 打針咩...
醫
唔係, 係下星期先打....連打2星期停1個星期....
我佢上個cycle係連續打3個星期; 停1個星期架喎 ?
[ 呢個schedule係揀藥時講既, 第1個cycle都係咁完成 ]
我成個頭都係 問左幾次, 醫生講同一堆說話,我都係唔明. 佢冇
答我上個cycle既連打3針問題. .
最後, 醫 : 個file係咁寫, 你地出門口等護士比期紙啦.
我同阿j哦... 咁. 唔該醫生.... 起身出房
阿j 就係咁放左呢個星期假咯.
佢->就係上月我地要揀新化療組合時, 答我 "等你地
決定左化療組合先再詳細傾藥性,副作用問題 " 果個
我仍抓哂頭
,今星期唔洗打針,驗血覆診來做乜 ?
pls... 1/5 機會, 我真係唔想再撞中
我唔想變身潑婦, 我唔知對佢我EQ可以有幾高
下星期覆診,希望有醫生可以解釋清楚打針schedule.
5 意見:
試下問護士！
[版主回覆11/19/2007 12:12:00]護士只是笑笑口答佢地都係聽當日醫生指示
唉~遇著呢d醫生真係好無奈!!
[版主回覆11/19/2007 12:13:00]唉~唉~
醫生應該令病人明白打針流程時間表,如有因病情或其他原因更改,理當明確告訴病人,以免病人掛心及擔心!
下星期一定要跟進問清楚.
[版主回覆11/19/2007 12:18:00]對啊,係唔知咩原因下改令我抓哂頭,究竟係我之前理解錯左?定係每針cycle流程唔同? 希望今個星期見到我至愛醫生解釋比我知
希望妳可以快啲知道schedule,
唔好咁擔心啦! 放鬆啲,
我地好多人支持妳架!
[版主回覆11/22/2007 02:43:00]多謝啊!
真係樹大有枯枝.......
[版主回覆11/22/2007 03:02:00]平心而論, 枯枝佢又未至於 相對係唔夠其他同team果幾個e生有heart同有心機.比較之下,佢就差左d囉.
張貼留言