從拾藥煲

昨日同阿j睇返中醫, 又要開始每日早晚睇火之旅.

暫時要左5日藥先, 到12/12覆左診. 睇睇一下步如何再同中醫配合.

今次好多細細粒既中藥. 我買左煲魚袋入住黎煲, 應該得卦

阿中醫有d house feel. ( house 係劇集, 中譯豪斯醫生 / 醫神 )

寸寸地又不拘小節 ; 同佢對話幾攪鬼

我 : d藥好苦, 可唔可以比粒蜜棗吊下味呢 ?

醫 : 細佬仔咩, 唔好搵d咁野玩啦

我 : 可唔可以煲海龍海馬比佢飲 ?

醫 : 得呀.  我 : 對佢好嗎 ?

醫 : 佢飲得架. 不過我覺徙錢lo ! 其他平野都有同一個效果啦

我 : 可唔可以煲龜板比佢飲 ?

醫 : 得呀  我 : 岩佢飲架呵 ?

醫 : 岩, 煲呢樣啦 ! 岩架啦…

不過,你問乜佢都答你. 而且識得睇片. 西醫方面佢都有認識. 第1次睇時,

我都帶哂阿j d 片比佢過目.   間醫館唔大人好多, 冇得book時間, 個個自己

上到去認住跟邊個, 有時要座到出門口等. 來緊明年仲改為1個星期放2日假添.

 

今日接到, pet 報告己出, hea埋今日先.

明早先上去攞返來睇睇先, 如果有任何變數, 起碼都有1日時間搵多d資料做足

準備功夫,等係12號覆診時有多d資料同醫生交流交流. 經驗所得, 呢d準備

功課要做足. 公立醫生workload所限, 佢唔夠時間主動講哂所有野你知.

不過呢,你主動問佢地都會樂意答你既.

明天, 我又睇下要接咩新招先