從QE攞 PET 報告即時睇埋. 係回家路上. 心中一直盤旋點樣同阿j講好呢 ?
唔講 ? 明天醫生都會講
如實講 ? 佢又可以承受嗎 ?
連我自己都冇諗過差左咁多 ? 咁阿j呢 ?
一直到達家門前. 忍唔住致電家姐. 一聽見家姐聲音就放聲哭出.
本來約定家姐盡快趕來我就在坐係後樓梯等佢. 不過收線後,眼淚就停止了.
拍拍個面, 放鬆心情開門入屋. 又如常整理湯水..
當阿j問報告內容時, 我決定如實告之.
之後, 沉默相擁睇電視, 而我…. 1串淚從眼角而下.
我相信對阿j來講,由我口中講出會好過明天由醫生報告.
希望我呢個決定係正確.
我一直明白前路艱辛, 不過仍難免痛心.
我明白報告不及真實身體狀況黎得確實, 不過我仍被擊倒.
我知道, 喊完發洩哂d不安. 要再提起精神再上戰場.
爸爸, 別洩氣 ! 一切有我
~ 希望明早起來, 我小宇宙修復成功 ~
16 意見:
人生路每一步都是挑戰, 我絕對明白你們的心情, 互相扶持, 一同積極面對, 相信明天美好, 是不滅的信念.
[版主回覆12/13/2007 17:31:00]多謝
對呀, 別洩氣也別放棄, 我今早也可以抖擻精神起床練功了, 路是難行但仍是要行的
[版主回覆12/13/2007 17:30:00]多謝
我睇完呢篇都陪埋你喊添! 忽然記起06年7月份pet報告發現擴散至肺, 那次是羅生獨自一人去取報告, 我知道報告內容後即時同公司請2小時假,立即到那時睇的吳姓中醫, 去到醫館我不斷喊, 中醫仲叫我不要喊, 之後回到公司忍不住又喊, 連老細都話放我假, 不過我唔放, 我知道以後這樣的日子會不斷來, 我能放幾多天!
雖然這篇裡你沒說出報告內容, 但你一人在醫院承擔這消息一定很難過. 我讚成你先說給阿j聽, 因為你們是夫婦, 佢聽完你講, 大家仲可即時攬住, 想哭便哭.
你要堅強, 雖然來日將有重重挑戰, 但你和阿j仍可亙相扶持一同走在這崎嶇路上. 哭過痛過抹乾眼淚起身再來過, 有我支持你 .
希望有天你同阿j都會得到主耶穌的祝福, 因經上說過" 我們的日子如何, 我們的力量也必如何." 祂的應許是信實的, 我便是好一個一版.願主耶穌基督的安慰大大臨到你們身上!
[版主回覆12/13/2007 17:32:00]ee. 攪喊埋你添
報告不理想,心裏擔心,心裏傷痛,是自然不過.
你好理智,由你講出是最好的,我相信阿J亦想與你共同承擔那要面對的將來.
真實身體狀況不差,還有更多的希望,你要記着,你要發揮小宙宇力量.
你們的路雖然難行,但我相信,你們崎嶇的路只是一個考驗.
努力吧!支持你!
[版主回覆12/13/2007 17:39:00]多謝
知道你哭了很難受，但請別太傷心，就當是一個測驗不小心不合格了吧，還有更大的考驗在後面，流過淚發洩完就要繼續了，加油！
積極的面對，保持樂觀的心情，這些是你的強項嘛！對嗎？支持你！
[版主回覆12/13/2007 17:32:00]多謝
食療是你的強項, 如阿j想知多點氣功的資料我可以給你們的 (vcd/dvd), 要知道我們這伙人是一直互相支持, 互勵互勉的
[版主回覆12/13/2007 17:33:00]好啊,我有須要一定問你.多謝
記得以前中學考試，我們是每個科目來排全級名次的。
有好幾次，我派的考卷回來，得出來的分數都較為不理想。
正當我以為我一定會在全級排名中排得很低的位置時，卻原來因為其他人也是同樣退步了，所以我所得的名次，遠比想像中要好得多。
mi_mi，你今次的情形不是很像嗎？沒錯，昨天的報告不理想，但從實際身體情況來看，情形未必會如報告般中差。
正如其他網友所言，人生總是充滿挑戰，當中有大的挑戰、也有小的挑戰。上天這次可能是考慮您堅強的個性，所以故意地要考考您的能耐。因此，眼淚掉過，定要咬實牙根撐下去。路上你並不會寂寞，因為，你會有我們的支持。
[版主回覆12/13/2007 17:33:00]多謝
人生的路有時係咁難行的, 包括讀書.感情.家人等等, 有時未必係你控制到的, 但有妳陪著他一路一路走, 有時轉角就可能係光明大道呢! 呢點係你同佢都唔知的嘛! 最重要係有妳支持佢, 但妳不要太上心呀! 放鬆d隨緣會對妳會好點吧!
[版主回覆12/13/2007 17:33:00]多謝
mi_mi,睇下有無其他方法,如黑雞所講練氣功,或者試下飲小麥草,咩方法都好,總之幫到阿j一定要試,有咩幫手記住出聲,十萬個支持你!!!呢條路雖然難行,但希望你記住我地一直等緊阿j康復,等緊你地美好0既將來,我地一定會陪住你地行!!!
加油!!!唔好放棄!!!
[版主回覆12/13/2007 17:35:00]多謝 我唔會放棄架. 世界好大.咩都有可能,1連2日比人KO.打擊又唔細咯.
多謝各位, 好warm. 真的.
今早起來,我小宇宙己修復一半. 誰知今午覆診,再被重擊 ~ K.O ~倒地
mi_mi,
這條路真的很難行，但也要勇敢盡力的捱下去，就算將來結果如何也不會覺得遺憾了，這是我的真切感受，所以即使爸爸剛剛離開了，但是對他我也再無遺憾，因為我們都盡了最大的努力．
[版主回覆12/13/2007 17:38:00]多謝 你仍費心留言. 保重
MI MI,
唔知講咩好.....淨係好想你知道, 你哭--我會陪你 , 你跌倒--我會踎係到陪你 , 你要起來--我一定扶你 . 希望你再發揮你驚人的小宇宙!
[版主回覆12/13/2007 17:39:00]u ; u
mimimimi 除了郭林和八鄉 如果想試太極五行功 話我知，我俾info 你~
很多人說有用的! 我舅母剛剛學。現在乜都試了~
[版主回覆12/13/2007 17:40:00]唔該哂ichi , 有須要我一定問你.
抗癌之路, 場場都是硬仗, 不可輕敵, 但也不可輕易被敵人擾亂軍心, 希望你們二人同心, 奮戰到底., 希望我們的祝福會加強你們作戰的力量.
[版主回覆12/13/2007 17:41:00]多謝你 我會的. 你都要保重
加油 ! 努力以赴 ! 一時的不合格 , 不代表 一切 !
[版主回覆12/13/2007 17:42:00]多謝你
"我相信對阿 j 來講 , 由我口中講出會好過明天由醫生報告 .
希望我呢個決定係正確.
我知道 , 喊完發洩哂 d 不安 . 要再提起精神再上戰場."
妳真的了不起. 不知道能為妳做什麼, 送上無窮無盡的祝福,
看見妳處理問題的冷靜, 深信妳定能為阿j 選擇最好的安排, 一直支持妳努力下去.!!!!!
張貼留言