這幾天

呢幾日, 忙下呢樣又忙下果樣, 好似冇時停咁

早晚煲中藥啦, 要睇火.  整下湯水食療啦 ;企係廚房多過係廳.

又忙住著手攪other option. 暫時已有足夠資料, 如果落實再講下.

阿j已經食左10+日中藥, 可能開始藥到, 腹背痛楚少左. 胃口普通,

睡眠質數唔太好. 易醒.  幸好磅數冇咩大跌. 只係冇升.  精神心情

都唔錯 [ 呢樣5Bs功不可沒  ] 成日纏住佢,唔同佢地玩都唔得. 

加上佢又忙住享受個新電視機   不過未買機頂盒. 睇定d先lu,

我地好少睇果2個電視台, 多數睇now仔睇碟.  HD劇集又好似對我

地冇咩用咁. 諗下值唔值得投資先.

前幾日覆診, 護士通知我地可能要等耐d, 因為高級顧問醫生要見我地.

最後都係同一翻說話, 不過言詞動聽d.  我地已消化哂,冇任何不快了.

有小小好消息係佢話有須要可以提供電療. 好過上次個mo只講比止痛

藥阿j ;又話位置電唔到.  講真其實冇所謂, 呢d已經唔係我地首選了, 不

過我地當然唔會拒絕啦. 保持使用權利 

順手又寫紙照x-ray睇下d骨, 下個星期再覆診. 都好呀; 仍跟進.