K .O

重撃 ->倒地.

昨日覆診, 終於親耳聽到我一直最怕聽既說話了. 

醫生唔suggest再打化療, 理由係臨床, 統計, 病人得益..…等等.

不過我仍保持冷靜盡力爭取, 一連串講出C+醫生意見, 由網上搵到既數據.....

唔甘心, 阿j連標題靶藥仍未嘗試.

唔甘心, 阿j現時身體狀況仍不差, 驗血報告,肝腎仍在noraml range內.

唔開心, 我提出數個由專業人土提供的可行方法,醫生只係輕輕帶過沒正面回答.

最後醫生見我地堅持,就話會因應我地要求,再開會商討.下星期再覆診.

因岑醫生提意可用化療藥, 仍有3隻以上. 部份電療亦係其中可行方法

証明化療藥係有, 只係醫院認唔認為要再用資源係阿j身上.

我忍氣吞聲爭取只有一個原因 ~ 藥費 ~   

我知道~係呢個重要時刻,我不能耍性子;不能發晦氣.  ~ 我忍 ~

我 : 雖然心中一直明白始終有呢1日來臨. 不過當親耳聽到, 仍承受不了. 忍唔住即場灑淚.

      回家又哭一場. 發洩 ! 發洩 !  1連2日被K.O ! 

阿j : 表面比我平靜,冷靜 ;  

       佢話聽到唔再打化療,感覺反而係舒一口氣. 佢昨日亦拒絕搵岑醫生接手,佢唔想生活係每星

       期打針,之後忍受幾日副作用. 可能舒服2日, 之後又重複. 佢寧願嘗試轉用其他方法.

      不過我相信佢仍感難受. 比多小小時間,等佢平復.

其實,我昨天黃昏已經爬起返一半了. 拿拿淋搵我家姐去中醫幫手排隊, 將阿j現時情況如實告之.

中醫話 ; 唔打化療, 我就出手囉.  

另外, 我仍有其他option, 正在著手進行..

我同阿j 係有洩氣. 不過我地唔會放棄 ~ 我要學 [不倒翁 ] 比人KO完會企返起身既.

比小小時間等我再直立企定.

多謝各位朋友留言, 好warm ; 無言感激