電療副作用真係勁
. 基本上由第1次已經出招而
且越加兇猛. 對阿j來講, 比化療時辛苦好多.
每次電療後攪肚痛 ~ 冇胃口+瞓唔到
基本3得中冇左2得 ~ 精神體力下降
問過哂相關朋友+醫生 ~ 答案一致 ;
而家電療位置直接影響腸臟郁動多而引致的. 做
哂電療之後就唔會肚痛.
而家仍係見招拆招中 ;
瞓唔到 ~ 我地出安眠藥
肚痛 ~ 我地有止肚痛藥+中藥
胃口 ~ 精簡食物 + 中藥
幸好冇嘔冇肚瀉, 否則唔知點接招咯
不過電療亦總算有預期中效果
阿j背痛同腹痛都冇左.
已經可以停食止痛藥. 亦因阿j都感到有效,佢唔想停電.
而家已經電左7次了, 我地倆個唯有互相安慰已經頂左一
半. 好快完成
.
13 意見:
你們真堅强,加油!好快過的,好快!
[版主回覆01/22/2008 01:45:00]我地唔係堅強呢,不過知道路一定要行.
有效便頂一頂....忍耐吓
各 Blog 友都支持你地 !
[版主回覆01/22/2008 01:46:00]多謝哂
好快過喇！頂住
[版主回覆01/22/2008 01:46:00]你要多多幫手丫
副作用過左就無事家啦...... 加油 .....
爸爸而家做緊電療我都係咁安慰...除左可以咁講....都唔知仲有咩可以幫到佢..但我知阿j..我爸爸...都會為左我地...身邊既人努力家.....
[版主回覆01/22/2008 01:47:00]我地齊齊努力
撐住呀~~好快捱完就前途一片光明!!!!
[版主回覆01/22/2008 01:49:00]撐緊呀 不過真係估計唔到會咁勁
我太太剛剛相反，電療七次後，沒有大的副作用，但腰痛亦無減輕。
[版主回覆01/22/2008 01:51:00]要問下醫生咯,阿j 07年頭電骨,一電就止哂痛,而家電腹部都係可以止到痛架喎
羅生都係冇乜副作用, 只係pat個瘤到電療後期越加痛, 係醫院都痛到哎! 直至我開始每天一定跟他一起祈禱, 其中一次羅生劇痛, 禱告完痛楚霎時消失了(是神蹟).
06年mid, 西醫已說羅生個瘤如令他痛楚的話是可以用電療來止痛的, 我諗電療電細了個瘤, 好自然就冇壓住咁多神經線, 所以痛楚給舒緩了.
已經過了一半, 好快就完成, 阿j頂住呀! mimi加油呀! 有你係阿j身邊冇野阿j是捱不了的.
[版主回覆01/22/2008 01:56:00]西醫同黃醫師生都係同我地咁講,電細左d腫瘤等佢唔好責住d神經線.我會架.只要阿j唔放棄我一定出盡法寶陪佢一齊頂
電啊電，電完就好番晒，好快過!! 努力 baby
[版主回覆01/22/2008 01:57:00]thank you
好快就過架啦!! pray for u 2.....
[版主回覆01/22/2008 01:58:00]多謝啊
幾難過的都會過去, 只是時間問題, 最重要是目標清晰和你們堅持到底, 比心機呀!
[版主回覆01/22/2008 01:58:00]多謝
冇胃口試下少食多餐，也許飲些果汁啦！
瞓唔倒真係好辛苦架，聽吓柔和音樂得唔得啦！
MI MI你要加油！
[版主回覆01/22/2008 02:06:00]胃口真係比較麻煩,食完飲完又會攪肚痛.唯有精簡食物保持營養,希望頂哂14次之後,再谷過.暫時食左安眠藥,都叫做可以每次瞓幾個鐘.唔食阿j完全唔眼瞓架,連"喊露"都冇個
加油呀, 煲瘦肉水佢飲吖, 好有營養, 少食多餐啦...加油呀
[版主回覆01/22/2008 02:08:00]有呀,我炖肉汁.一大舊肉加紅蘿蔔炖埋做小碗汁
電療同化療都係有效架! 所以要頂硬上呀!!!!
[版主回覆01/22/2008 02:09:00]多謝
張貼留言