新計劃

呢段時間忙住同阿癌排過part新舞目標仍係舒舒服服既慢舞.

開始有定案 ;

係香港做d電療先, 

之後就會起行上北京進行other option.

問過哂中西醫, 佢地都認為阿j身體可以頂得住電療既side effect.

西醫講  ~ 而家電療for舒緩止痛用. 所以劑量好細. 一般side effect唔太大.

中醫講  ~ 電療除左止痛用仲可以暫時控制腫瘤生長,  阿j就可以爭取更多

                 時間. 可以嘗試更多唔同既治療, 加上中藥亦有機會有幫助. 而且

                 中醫話阿j目前身體狀況仍不俗, 仍可頂得住電療副作用.

北京之行係因有朋友介紹 "超聲聚焦刀", 同北京主診教授了解後, 知道淋巴

呢個部位做唔到, 而以阿j目前情形, 淋巴對佢會有影響, 容易再走散. 佢提意

先電淋巴,其他部位做刀. 不過唔識有朋友曾係北京做過電療, 決定留係香港先

做電療, 再上北京. 當然教授亦明言, 係舒緩治療, 根治不了. 佢睇過阿j 既report,

講明咩做到, 咩做唔到. 費用亦列明. 加上朋友認識有2位同路人年初已做過. 識有

人做過又安心d.  當然任何治療都唔可以排除有危險性. 不過對阿j來講係一個機會,

亦有可能上左去唔做. 唔做咪當去下旅行都好呀.

阿j本想盡快上京,佢話而家身體狀況可行,佢怕再遲下身體每況愈下,到時想去都唔

得. 正當我地1516之時 電療先 ? 上京先 ?

中醫一句話"柵好對門先 ; 再慢慢捉賊 ! 即時清晰哂

跟手又同北京教授再商量, 佢都認同.   基於以上理據. 己有定案.

祈望定案可順利進行

超聲聚焦刀 : 幾個月前朋友介紹後已著手搵資料. 香港都有, 不過target只係1期病人,

反之大陸target係晚期病人. 因此刀, 我特別去請教岑教授,佢話佢對此刀認識唔深,

唔可以有實質意見比到我. 不過佢認同香港技術只在起步階段,係度做唔到,唔等於大

陸做唔到. 如果搵岩醫院搵岩醫生, 亦不失為一個可嘗試方法.

我再問埋中醫, [ 佢係百曉生, 同癌相關資訊都會有一定認識 ]. 佢好快人快語 "任何

有機會可減緩癌生長既方法都值一試, 佢地再惡就咩都唔洗試"

令我同阿j有興趣當然因為有2位朋友做過. 係有幫助, 佢地仍開心生活中.