阿j 昨日電療時, 因紋點模糊加上唔能夠伸直右腿角度跟定位相同,
唔可以進行電療. 當從新做定位時, 亦因右腿不能伸直至合格姿勢而
未能成功定位, 醫生提意留院調教止痛方法, 就係咁! 阿j昨日留院了
阿j決定留院時仍笑笑口, 當知道探病時縮短至2小時後, 即刻冇哂表情
雖然阿j身體精神狀態理應不需擔心, 不過昨日知道要佢留院時, 我心
仍難免忐忑不安
不禁致電家姐哭訴
結果當然是趕來相陪
嘿嘿.... 多謝家姐
在家人面前, 不論年紀多大, 不論是否小事; 任何
時候, 不需掩飾, 想喊就喊, 想撒嬌就撒嬌....真好
家人1句說話即
刻可以定我心神 ,回復正面思想 
昨晚陪阿j直至姑娘出聲趕走後, 再食埋晚餐, 我心感當時情緒仍不適合
獨自在家跟孤寂同不安單打獨鬥, 唯有暫時賣甩5Bs.... 決定回公司跟至
友+工作聯手對抗, 又適馮要交數給audit, 昨晚就係同papers 玩過通霄
期間再加埋同cc講左3個幾鐘電話
今午起來, 孤寂同不安已經比我掃走哂
仲順手做全屋清潔又拆埋梳化
套同所有cushion套去乾洗. 等阿j爸爸回家享用 再開開心心去偷渡見阿j.
今晚沒有應邀選擇獨自在家, 打算做過浸浴坐坐按摩椅享受電視. 因我已
掃走不安, 心神己定
不過阿j今日就悶到偏哂咀了, 一早比姑娘推左去照X光, 已令佢叫苦, 就算
醫護已儘量相就, 不過沒有我等熟手技工在傍幫手, 始終差d
加上醫院
守衛深嚴, 今日我雖然可成功偷渡不過姑娘己出聲責備了
爸爸別偏咀了~ 我今日已得姑娘應承,可以係非探病時間前來陪你出外
曬曬太陽吸吸新鮮空氣
11 意見:
幸好你有個姐姐傾訴，可減輕你的壓力！
希望阿ｊ早日得到適當的治療．
[版主回覆03/31/2008 21:08:00]多謝哂! 阿j ok呀. 家人直情係我既堡壘來添
我都希望阿j快d康復
[版主回覆03/31/2008 21:08:00]多謝哂
宜家都好難偷渡啦..... 不過有妳相陪阿J當然定好多啦! 唯有祝妳偷渡成功 妳有自己的時間時, 都要認真休息呀! 知不知道?
[版主回覆03/31/2008 21:11:00]yes, madam 我會睇住我自己了. 我又幾好彩呀,日日都成功偷渡到.hehe 由2點幾陪到730真係唔錯了.
唔好唔開心~阿j在醫院有醫護看住,仲安心至係呀!!!
你send多d sms比佢啦~
[版主回覆03/31/2008 21:12:00]嘿嘿, 我可成功偷渡呀
妳真係硬淨!!!
希望何 j 快D康復
[版主回覆03/31/2008 21:13:00]唔係架
而家偷渡真係好難架!! 不過姑娘比你入去陪佢出嚟....已經好好啦!! 祝阿j早日康復!!!
[版主回覆03/31/2008 21:14:00]多謝哂! 我又幾好彩呀,日日都成功偷渡到.hehe偷多幾個鐘得幾個鐘
希望呀 j 早日康復...有屋企人既支持真係好重要嫁.......
[版主回覆03/31/2008 21:16:00]多謝哂 家人直情係我既堡壘來
祝願阿j早日康復, 家人對於我來講真係精神支柱及有強勁推動力架
[版主回覆03/31/2008 22:02:00]多謝哂 ! 阿j 狀態幾好呢. 家人真係好重要
加油呀 MiMi.....
哎呀, 我明明訂閱你的網誌o架! 點解冇收到o架!好在我想o黎見o下你咋! 遲o左來陪你添
阿j係咪住伊院呀! 我成日蛇去探爸爸, 通常都好成功. 果度好好, 俾人趕可以帶爸爸去病房內的會客室坐, 好正呀!屯院就唔得喇! 因為好嚴同埋鎖門的, 不能自由出入.
叫阿j忍耐下, 好快冇事的, 試下祈禱o丫! 想不定會有意外收獲的.
[版主回覆04/06/2008 22:41:00]ee..我今日先見你呢個留言既 明明你5號留架. yahoo又來啦.
你真是好樣的，阿j有你照顧，真幸福。
現在阿j情況如何，祝早日康復。
張貼留言