仍有歡樂

雖然阿j警報未解除, 我眼中佢慢慢進步,不過醫生口中佢係慢

慢地轉差, 不過唔理了,聽完就算. 好好開心過好每1日最緊要.

係醫院我地仍常有令人發笑對話

....阿j伸出佢隻手...話佢而家練緊九陰白骨爪...

....我話佢係3D人體骨骼圖...

.....問阿j敢唔敢照鏡,佢答 "唔敢,自己都驚嚇到噴飯..

....阿j係骷髏頭堡堡主, 仲問我間房有冇人可以同佢爭做話事人..

....阿j話佢個 [羅友] 係媽媽(即係我)資產, 其他人唔掂得..[其實係指換片片]

....我家姐講開屋企電視壞左,阿j答咀 "咁而家咪日日老人與海+隻貓囉..."

.....唔想飲湯..阿j即時扮瞓左....

....我不時會問阿j同一件事,了解下佢精神狀況, 問第3次,佢即答

    " 我老人痴呆左啦... 跟手比多個眼神我添

.....我地2個成日講d阿嬸是非, 阿j改左佢地叫肥C

.....我不時會擁抱阿j, 次次佢都叫...斷骨啦...斷骨啦...啪啪..斷左...

.....同阿j goodbye kiss時, 次次都叫 "唔好隊個豬頭埋黎.."

太多不能盡錄, 不過肯定係佢而家仍有精神1言9頂..... 

係好小既事,不過我地生活仍有樂趣同笑容,已經好足夠

仲有阿j好叻仔, 佢真係好叻仔.. 打哂止痛針 + 流住眼淚伸直

雙腿頂哂電療定位加電療過程足足幾個鐘. 電療師眼見佢流哂眼

淚頂, 都問佢洗唔洗分幾日做..... 佢喊哂口答唔洗. 1次過做哂佢

阿j既小宇宙絕不可小觀