爆笑對話

阿j係最後一段日子中, 仍有好多令我地爆笑的對話同場面. 

~  在睡夢中嚥嗚, 各人非常緊張, 我哄阿j時,發現沒有眼淚的.

    就安撫各人   [ 冇眼淚架, 佢發夢 ~ 假架  ]

    阿j突然出聲  [ 真架,有眼淚架....]

    即時 ~~ 全場爆笑 ~~

~  家姐哄阿j  [ 你唔廋呀,都係咁靚仔咁高大呀 ]

    阿j   [ 靚仔就唔多覺啦, 高大又唔講得囉 ~ 普普通通啦 ]

~  我安慰阿j安心時, 佢會低泣 ; 

    我唔怕死, 不過我唔捨得媽媽, 我好愛媽媽   [當時我好心甜架, 誰知下一句…..

    我唔要媽媽做…老姑婆……    [ 即時變為哭笑不得…..

~  我安慰阿j叫佢記得要好好過新生活, 快d識新朋友  [ 阿j答好  ]

    再叫佢要靚靚仔仔快d去識個女仔 ~ 溝下女….

    阿j 話  [ 唔要, 我唔要其他女人, 只要媽媽來陪我….

    我 : 下, 你要去既地方媽媽唔去得住喎, 不如你搵個新女朋友先啦,

            等媽媽來到, 你再飛左佢囉

    阿j : 好呀

~  我同阿j閒聊佢新居地點位置時

     阿j  [ 話只要係媽媽選的我就鐘意 [ 下一句…]   不過要孖位, 我要同媽媽一齊住…. 

     我  : 下, 我未住得架喎, 你要自己住先, 等遲下媽媽來到, 先一齊再住啦..

     阿j : 咁好啦…

~   我同阿j閒聊衣服選擇時..

     同你著返平時你最愛既型仔look好唔好 ?

     阿j : 好

     我搵哂你平常最愛的既衣服跟你好唔好 ?

     阿j : 好, 媽媽選的我就鐘意

     咁要唔要多套西裝 ?

     阿j : 唔要, 我都唔鐘意著既.

仍有好多點滴, 不過太長篇, 單單文字難以表達當時爆笑情形.

而家回憶起以上片段我仍會會心微笑

阿j真係好厲害架, 佢雖已走, 但留下不少開心回憶比我.

我相信只要調理好心境, 生離死別前對話未必只有傷心淚水的.