新玩具

自從上次手縫頸飾比5Bs之後, 已經勾起我條根想買部衣車

加埋早排我同家姐係窗簾舖門口果d 特價布頭堆內居然比我

地見到到一幅成10碼既窗簾布,個pattern我地又鐘意喎.

即時問價. 雖然窗簾舖員工都好奇怪點解會有咁大幅既布頭

不過最後都賣左比我地. 只係350大元咋… 真係抵得嘔 呵呵.

Final 幅布足夠我地2 家用….

買左呢幅布, 我更心思思要買衣車. 睇過singer同brother..

終於前日走去spotlight抬左部brother回家. 係家用入門版.

有29隻花線式樣, 可以車到6層牛仔布, 夠哂我玩

衣車, 我只係20+年前上家政班時用過咋幸好

sales姨姨教得好清楚. 上手唔難

玩左2日, 第1件完成了

自家製窗簾 !  手工就…只宜遠觀咯

來緊, 5Bs 應該有好多新頸飾囉.

再來, 挑戰下自己, 想自家製梳化套添

唔知幾時可以學識改原裝牛仔褲腳, 慳返唔洗比50蚊改衣店

朋友話我玩到冇野玩…. 走黎玩衣車

我鐘意丫.. 信唔信我車件衫比你丫拿  

換開窗簾, 心血來潮將個廳又大執位. 比d 新鮮感自己先