這年夏天~ 新生命

過去的夏天, 居然可以在市區見證bb雀新生命, 奇妙.
住左咁耐都係第一次, 有雀雀咁醒目選擇隔離屋其中一個有遮蔽又安全冷氣機頂築左個巢
由7月至12月, 仲見到3次添   我日日都慣性望下影下相. 而5bs就日日都鬧雀
大大最攪笑有咁高企咁高係咁丫丫聲鬧


雀媽只會坐定定哺蛋, 每日雀爸都回來一陣可能送餐卦 ~ 哈 都係男主外女主內


直到雀b出世了, 2個灰黑毛球仔


換左雀媽出去搵食養b, 雀爸唔理了~ umm都幾現實

雀bb都大得好快下, 幾日就大左幾個碼


十幾廿日左右, 大個仔, 準備起飛了 ~ 由雀媽教的, 我見到雀媽來回飛比bb睇, 應該係鼓勵佢起飛卦 


以上過程, 我係過去幾個月見左3次, 唔知係同一對雀或是介紹好地方比老友呢
頭2次都係一對雀保護下, 每次2個雀b平平安安由蛋至大個仔起飛 ;

但係11月既第3次就有麻煩了, 雀媽係哺蛋期間, 有一朝我見到阿雀爸企係個斜頂, 突然聽到2下好快速既聲同見到
大黑影閃過我窗外,  快到連5bs都唔察覺;聲影去後佢地先周圍搵來源之後雀爸不見了, 亦冇再見佢出現嚕. 
我估佢比隻鷹抓走左了 這次雀媽好辛苦, 冇雀爸送餐又唔走得開,  要捱肚餓天氣又凍直至個b出世, 唔知係
唔係呢個原因, 第3次只係有一個雀b咋.
哈哈 ; 當時我地諗左好多唔同既方法餵雀媽 :p 不過都冇實行,驚嚇倒佢又干預左大自然定律.

佢地叫珠頸斑鳩 ; 唔知明年仲見唔見到呢 !