第3個療程 - 第一針

今日個化療病房唔知係咪人少. 凍到不得了.我入到去都雪雪聲. 不過當然對阿j冇

影響.我有化療3寶

.  今次又換左張新雙層fleece blanket 條友仔呻熱tim.  

 不過眼望周圍. 個個病友都要用白床單遮到上個頭

一切順利. 今日阿J胃口心情仍如常的好. 希望後日唔好太唔舒服就好lu.

 

小插曲; 我一直只記住覆診當日醫生講第2日做化療. 因次次驗血覆診接住第2日就

做化療丫. 咁就冇留意張覆診紙日期. 昨日正出門口時慣性 check check所有用品.

一睇張紙 "14 號".  我倆互望O哂咀

" 今日幾號呀 ??? " 

原來唔工作係冇哂日期

觀念架. 即刻睇手機又信唔過. 睇電視又過左新聞時段, 睇now仔幾個時事台都賣緊廣

告,唯有睇yahoo... final confirm昨日係 "13號 "

呢個阿 j 即刻生哂. 好開心

咁再諗過早餐要食乜.... 

又一証明, 佢真係好怕去打針. 明明之前佢只講食小小野算啦. 一知唔洗打針.即刻生哂.

佢已經成日講一去覆診踏入醫院大樓. 即時想起嗅到d化療藥味....  究竟化療藥係咩味 ?

冇法子啦爸爸,我知你唔鐘意甚至懼怕

.個個星期又要拮手手. 不過真係命仔緊要.

辛苦你啦. 我感受唔到化療藥味,我只可在你身邊陪你.