前幾日同朋友傾開,先得知佢媽咪上年confirm血癌. 又一個同路人. 突然覺得好似7-11.
梗有一個係左近 大家傾下病程傾下食療,傾下藥費.. 朋友見過有病友因冇錢打化療
.
而令病程惡化...我倆都慨嘆, 冇錢真係會冇命 ; 朋友媽咪同阿j打針都係要全數自負.
政府就年年吊靴鬼咁追我地d利得稅. audit遲左就出warning letter.再遲就罰錢. 而家
我地有病,又要自己比埋 究竟我地交既稅用左去邊度 ?一直都知亦理解社會福利問
.
題好難平衡. 但而家殺左埋身,都不禁有不滿. 由其有朋友親眼見到,大家都好感慨. 
以前睇報紙捐錢醫病, 只會出錢但唔上心. 而家只可上心但唔可以出力了.因為我地都
要儲備足夠子彈. 同癌抗戰, 真係好貴. 以阿j為例. 5千幾一針. 暫定18針 maybe放個長
假後再打過. 仍未計中途Pet CT. 另加其他不同成藥如巴西磨磨菇,雲芝,Oral Impact,
Pro sure, 護肝丸.... 突然醒起第一次見醫生傾治療時, 問佢療程,佢話; 如果阿j身體頂得
順又有錢既話.基本上要長打. 當時冇咩特別感覺. 只係放心醫院仍offer療程比我地.
聽完朋友講, 而家再諗起呢句 [如果有錢既話]令我好感觸 ; 加上每日打開報紙都有病人
籌錢醫病,亦令我好心UP. 好多都係土生土長, 點解冇錢會冇命 ?
, 可幸我地仍未有經濟壓力. 總算不幸中既小幸.
感謝上天
但仍害怕如果有一日冇錢, 點算 ?
11 意見:
佢有冇買保險呀? 有買應該有得claim架? 希望她可以加油, 戰勝病魔, 早日康樂, 健健康康 !
佢有冇買保險呀? 有買應該有得claim架? 希望她可以加油, 戰勝病魔, 早日康樂, 健健康康 !
多謝joanne祝福.
Hi, mimi, 請問您是到私家醫院or公立醫院治療的? 我姊姊剛確診了末期乳癌, 醫生說下星期覆診並要馬上安排化療(威爾斯腫瘤科), 先打六針, 請問要幾錢一針? 我們的經濟狀況不大好, 她也沒有買保險.......好害怕啊...
mimi--其實真係唔傾唔知, 一傾就發覺好似家家都有人患癌咁. 你地真係要善用d錢, 呢d病就像燒銀紙一樣, 好快燒晒! joanne--我多事代插句咀. 好多保險係冇得claim藥費及一些檢查. 如果有買危疾, 此時候就會有一筆過的賠償(但必須是擴散了). 但在醫癌來說是絕對唔夠, 因為癌症可使人傾家盪產, 除非冇得醫或者放棄醫.
Jenny Mama, 我地係公立醫院(qe)做治療. 唔同癌用唔同化療藥. 而且仲有好多唔同化療藥又唔同價架. 你唔洗太擔心架.好多乳癌病友都唔洗用自費藥. 而且你講醫生已講明先打6針.如果佢當時冇講過要自費. 好大機會唔洗比錢.唔好怕, 努力啊. 加油
係呀,羅巾太太. 真係好無奈 . 我會架啦 , 留多d子彈係身.
真係呀!! 好有同感!! 我果時只係買補品同必需營養品比新幹線都用左成萬幾, 仲未計的士錢之類0既濕星野, 患左癌症除了身體重創荷包一樣重創, 真係好似燒銀紙咁!!
謝謝mi mi, 我們會努力的!! 見步行步......但一定要有信心!! 大家都要加油啊!!
我都有同感, 癌症其實係"有錢佬病", 少個錢都唔得, 我屋企壓力都幾大... 所以加油呀~ 係喎, 你地有冇申請傷殘津貼呀? 每個月好似都有仟零蚊, 當幫補下丫~
Jenny Mama ; 見招拆招 !唔好太憂心. 多d氹下你家姐, 開心d,身體都好d. 糖果 ; 你唔會再燒架啦 留反d銀紙來等養bb啦 亞美 ; 千其唔好比咁大壓力自己呀. 阿j申請左傷津架啦. 2月入院時有病友教路 果時已攪左. 嘿嘿.
張貼留言