昨天中午阿j以為有得走. 送外賣比佢時, 叫我拎走部份用品.
事緣前日知道超聲波要排到28號, 我提意同醫生講不如回家等好過.
醫生比2個方案, 試下插期, 冇期就出院先. 點知醫生鬼咁好人,成個下午不停
同佢打比超聲波部門, 睇下有冇d 臨時取消左既期可以比阿j插隊. 一個好彩,
咁就打左尖昨日黃昏照左. 亦因為咁, 阿j走唔甩要留院等埋報告暫時初步
.
排除含膿. 詳情要等報告.
我就keep住remind自己平常心. 平常心...同醫生傾過化療個schedule.
[ 努力努力....平常心 ]隻腳
呢個星期果針要waive左佢. 等clarify左
咩事再從新開始下一個cycle....
如果今日阿j都走唔甩. 睇怕最快都要下個星期囉. 唔止阿j太悶想走,我都想佢
走. 係ward幾有壓力, 附近病友情況開始唔穩定. 望到佢地唔舒服我個心好難受.
阿j更加唔好受. 有時見阿j望住病友眼定定, 我相信佢有野諗時就可以同佢分散注意力者. 佢一個人果時都唔知點算. 我地係度陪佢
有d事眼唔見始終冇咁touching.
8 意見:
所以要給阿j 說出心裡的憂慮, 給他更新生命的價值觀, 那才是正面方法. 我今天看到隣房的先生在家人離去後, 在床上痛哭, 我很想上前安慰, 但已1時了; 我將事情告知羅巾, 著他有空跟他談談. 始終有些心底話或恐懼擔憂未必能與家人傾訴, 當他們將心裡話說出來後, 往往得到正面果效, 對病人更有益處.
與你一同行這不易走的路
唉~眼見ward其他病人走個心真係好大壓力架! 我果時見到隔離大房0既伯伯走左, 成家廿幾人圍住, 果日係我老爺走左不出幾日0既時候,我同我姑奶送新幹線入院,一見到咁0既情形即刻想起老爺,又唔可以比新幹線見到d眼淚唔停咁流,惟有兩個靜靜雞走出去喊,返黎仲要在新幹線面前扮無野..... 所以我好認同係ward壓力大呢個point, 可以的話真係返屋企好好多, 祝阿j快d無事!
阿j今日出左院啦 不過我地要面對另一個挑戰啊
好r野! 出院好開心呀 , 努力面對新挑戰! ( 重重障礙莫怕牠, 長長遠路莫怕牠, 人人勵行勵志不掉眼淚.....)
mi_mi：你地間醫院好好呀，咁多好人幫你地好人，我話一定無事． 糖果：你對我真好啦，不過，無用啦，係我面前行唔通架，你叮起條尾／一個眼神，我都知你做乜同想點，不過都好多謝你用心良苦，辛苦晒你同我二家姐那時的辛勞，我永世難忘，你們的大恩大德，沒齒難忘．
真的！我陪陳生時也感受了很多對生命的無耐，看到別人轉差甚至離開真的百般滋味在心頭。
新幹線 : so far 我地係qe遇到既醫生護士都好好架. 值得比 佢地. 哎呀, 糖果用心良苦唔想比你知,你唔好踢爆佢啦
張貼留言