4/16 前哨戰

4/16 第一期前哨戰

今天覆診.驗血見醫生. 正式安排明天化療第一針開始.

因為覆診紙上出錯. 我倆在4/5樓上上落落, 一有事涉及攪到我阿j 我就有d火. 而且此次

覆診正正是3星期前果個裙腳醫生arrange. 不其然又對他不滿了. 事端是上次電療同時

見醫生了解化療一事. 呢個裙腳醫生的有一句冇一句及他語氣令我倆不快.

期待今天不要是他啊.  誰知剛坐下, 見佢行入房. 同阿j互望笑笑, “ 大鑊 “

我奸笑因心己有打算, 上次我忍你. 如果今次再令我阿j 不快. 我實”片”佢.  

而家基本上我係一隻箭豬, 只要是攪到阿j 唔開心. 我拮死佢地 !

帶住奸奸地心情入房真係見到裙腳醫生, 又比d耐性睇下你點. 我地30分鐘既對答裡面,

我講得最多既說話係 " 咁即係代表咩..我唔明.. 唔該再解釋……" 佢又真係會再解釋既.

可能今之大家坐下慢慢傾. 我對他有改觀. Final比我發現,佢唔係冷淡, 佢係一個不善詞令既人.

可能因工作關係, 習慣快狠準說話方式.  我想我要學習放慢腳步配合不同人須要.  對於佢呢,

我知道用咩方式同佢溝通了. 以後冇難度.  

最後, confirm左化療藥,時間, 覆診期. 經姑娘姐姐教路. 今天先交錢, 明早可在打針前大半

個鐘到藥房取藥.  否則如果明早才交錢.去醫院時間要更早. 因藥房須要時間準備化療藥.

明天, 又驚又喜

P.S  文章寫於4/16 晚